اتىراۋلىق يانا لەگكوديموۆانىڭ ءولىمى بويىنشا جاڭا مالىمەتتەر جاريالاندى، دەپ حابارلايدى Dalanews.kz.

اتىراۋدا 23 جاستاعى يانا لەگكوديموۆانىڭ ولىمىنە قاتىستى سوت ءوتىپ جاتىر. "نەمولچي.kz" قورى ايىپتالۋشىلاردىڭ بىر-بىرىنە جولداعان حاتتارىنىڭ ۇزىندىلەرىن جاريالادى. وندا كۇدىكتىلەر ءوز ارەكەتتەرىنە وكىنبەگەنى، قىلمىستى جوسپارلاپ، كەيىن نە ىستەۋ كەرەگىن تالقىلاعانى بايقالادى.

حابارلامادان ءۇزىندى:

"ۇيىقتاپ جاتىر، ءالى دەنەسى جىلى، ءتىرى"،
"ءبىز بۇدان دا قورقىنىشتى نارسەلەردى جاساعانبىز"،
"ءقازىر ءبارىن تازالا، جۋىپ ال، ءىز قالۋى مۇمكىن"، "ولار يتپەن كەلە مە؟".

سونداي-اق، ولار پارا ارقىلى جازادان قۇتىلۋ جايىن دا ءسوز ەتكەن.

تەرگەۋ مالىمەتىنشە، يانا 2024 جىلعى 18 قازاندا ۇيىنەن تانىسىنىڭ قوڭىراۋىنان كەيىن شىعىپ كەتىپ، قايتا ورالماعان. كۇدىكتىلەر - 24 جانە 25 جاستاعى ەكى ەر ادام. تەرگەۋ مالىمەتى بويىنشا ولاردىڭ ءبىرى قىزدى كولىكتە تۇنشىقتىرعان، ەكىنشىسى ەسىكتى جاۋىپ تۇرعان. كەيىن سۇيەكتى تالدىكول ماڭىنداعى جايىق وزەنىنە تاستاعان.

مارقۇمنىڭ سۇيەگى سەگىز ايدان كەيىن، 2025 جىلعى ماۋسىمدا تابىلدى.