Astanada «Elorda jastary» turǵyn úi baǵdarlamasy iske asyrylyp jatyr, oǵan «Jumys isteitin jastarǵa satyp alý quqyǵynsyz jalǵa beriletin turǵyn úi» baǵdarlamasy boiynsha kelisimsharty 2025 jyldyń basynda aiaqtalatyn jastar qatysa alady, - dep habarlaidy Dalanews.kz Astana ákimdiginiń resmi saityna silteme jasap.
17 aqpannan bastap «Otbasy bankinde» «Elorda jastary» turǵyn úi baǵdarlamasy aiasynda osy azamattardy odan ári kreditteýge tólem qabilettiligin rastaý rásimi bastaldy.
Tólem qabilettiligin tekserýge joldamalardy turǵyn úi ortalyǵy elektrondyq jáne qaǵaz formatta usynady. Elektrondyq nusqalar qatysýshylarǵa WhatsApp arqyly kórsetilgen telefon nómirlerine jiberiledi.
Biliktilik alý úshin qajetti qujat berilgen sátten bastap 30 kúntizbelik kún ishinde jaramdy bolady.
Joldamasy bar jastarǵa kvalifikatsiia alý úshin myna mekenjailar boiynsha bank filialdaryna júginý qajet:
- R.Qoshqarbaev dańǵyly, 26;
- Qajymuqan kóshesi, 12a;
- Máńgilik El dańǵyly, 27;
- Beibitshilik kóshesi, 25.
Esterińizge sala keteiik, «Elorda jastary» baǵdarlamasy jastarǵa jyldyq 5 paiyzdyq mólsherlememen jeńildetilgen turǵyn úi nesiesin usynady.
Qaryzdyń eń joǵary somasy 18 million teńgeni quraidy, bul rette jinaqtaý merzimine qaramastan, turǵyn úidiń naryqtyq qunynyń 10 paiyz mólsherinde bastapqy jarna qajet.
Nesieleý merzimi 19 jylǵa deiin jetýi múmkin. Baǵdarlamaǵa qatysýshylardyń bastapqy jáne qaitalama naryqta óz turǵyn úilerin satyp alý múmkindigi bar.
