Búgin Talǵarda Almaty oblysynyń prokýrory Berik Adamov vedomstvoaralyq keńes ótkizip, aýdannyń jańa prokýrory Jainarbek Myńbaevty tanystyrdy, dep habarlaidy Dalanews.kz.
Berik Adamov jańa basshynyń prokýratýra organdarynda 18 jyldan asa eńbek ótili bar ekenin, sońǵy 7 jylda Bas prokýratýrada jumys istegenin atap ótti.
Berik Adamov Jainarbek Myńbaevtyń tájiribeli ári printsipshil qyzmetker ekenin aityp, onyń taǵaiyndalýy aýdan kóleminde zańdylyq pen quqyqtyq tártipti nyǵaitý isine tyń serpin beretinine senim bildirdi.
Talǵardaǵy qylmys deńgeii
Prokýratýra málimetinshe, jyl basynan beri Talǵar aýdanyndaǵy qylmys deńgeii 17%-ǵa tómendegen (1661-den 1369 deiin).
Tek qyrkúiekte quqyq qorǵaý organdary 2,5 myńnan asa ákimshilik quqyqbuzýshylyqty anyqtap, 25 qylmysty ashyp, eki izdeýde júrgen qylmyskerdi ustaǵan.
Dese de buǵan deiingi Talǵardaǵy jantúrshigerlik oqiǵalar el esinde:
- Byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy. Biyl osy is boiynsha sot sheshimi shyqty. Tergeý málimetinshe, Sherzatqa pyshaq jaraqatyn salǵan basty aiyptalýshy Abzal Shynasyl 23 jylǵa bas bostandyǵynan aiyryldy. Ravil Sakiev 20 jylǵa sottaldy. Qalǵan aiyptalýshylar 7 jyldan 15 jylǵa deiin bas bostandyǵynan aiyryldy. Kámeletke tolmaǵan Y.D. 1,5 jylǵa bas bostandyǵynan aiyryldy.
- Biyl 6 qyrkúiekte Talǵarda er adam burynǵy azamattyq jubaiynyń baýyryn atyp óltirip, onyń eki jasar qyzyn urlap ketken bolatyn. Keiin politsiia kúdiktini ustap, balany anasymen qaýyshtyrdy.
