بٷگٸن تالعاردا الماتى وبلىسىنىڭ پروكۋرورى بەرٸك اداموۆ ۆەدومستۆوارالىق كەڭەس ٶتكٸزٸپ, اۋداننىڭ جاڭا پروكۋرورى جايناربەك مىڭباەۆتى تانىستىردى, دەپ حابارلايدى Dalanews.kz.
بەرٸك اداموۆ جاڭا باسشىنىڭ پروكۋراتۋرا ورگاندارىندا 18 جىلدان اسا ەڭبەك ٶتٸلٸ بار ەكەنٸن, سوڭعى 7 جىلدا باس پروكۋراتۋرادا جۇمىس ٸستەگەنٸن اتاپ ٶتتٸ.
بەرٸك اداموۆ جايناربەك مىڭباەۆتىڭ تەجٸريبەلٸ ەرٸ پرينتسيپشٸل قىزمەتكەر ەكەنٸن ايتىپ, ونىڭ تاعايىندالۋى اۋدان كٶلەمٸندە زاڭدىلىق پەن قۇقىقتىق تەرتٸپتٸ نىعايتۋ ٸسٸنە تىڭ سەرپٸن بەرەتٸنٸنە سەنٸم بٸلدٸردٸ.
تالعارداعى قىلمىس دەڭگەيٸ
پروكۋراتۋرا مەلٸمەتٸنشە, جىل باسىنان بەرٸ تالعار اۋدانىنداعى قىلمىس دەڭگەيٸ 17%-عا تٶمەندەگەن (1661-دەن 1369 دەيٸن).
تەك قىركٷيەكتە قۇقىق قورعاۋ ورگاندارى 2,5 مىڭنان اسا ەكٸمشٸلٸك قۇقىقبۇزۋشىلىقتى انىقتاپ, 25 قىلمىستى اشىپ, ەكٸ ٸزدەۋدە جٷرگەن قىلمىسكەردٸ ۇستاعان.
دەسە دە بۇعان دەيٸنگٸ تالعارداعى جانتٷرشٸگەرلٸك وقيعالار ەل ەسٸندە:
- بىلتىر تالعاردا جاپپاي تٶبەلەس بولىپ, سالدارىنان 16 جاستاعى جاسٶسپٸرٸم شەرزات بولات كٶز جۇمدى. بيىل وسى ٸس بويىنشا سوت شەشٸمٸ شىقتى. تەرگەۋ مەلٸمەتٸنشە, شەرزاتقا پىشاق جاراقاتىن سالعان باستى ايىپتالۋشى ابزال شىناسىل 23 جىلعا باس بوستاندىعىنان ايىرىلدى. راۆيل ساكيەۆ 20 جىلعا سوتتالدى. قالعان ايىپتالۋشىلار 7 جىلدان 15 جىلعا دەيٸن باس بوستاندىعىنان ايىرىلدى. كەمەلەتكە تولماعان ى.د. 1,5 جىلعا باس بوستاندىعىنان ايىرىلدى.
- بيىل 6 قىركٷيەكتە تالعاردا ەر ادام بۇرىنعى ازاماتتىق جۇبايىنىڭ باۋىرىن اتىپ ٶلتٸرٸپ, ونىڭ ەكٸ جاسار قىزىن ۇرلاپ كەتكەن بولاتىن. كەيٸن پوليتسييا كٷدٸكتٸنٸ ۇستاپ, بالانى اناسىمەن قاۋىشتىردى.
