2025 jylǵy 1 qazandaǵy jaǵdai boiynsha jumyspen qamtýǵa járdemdesýdiń belsendi sharalarymen 269,1 myń adam qamtyldy, 607,3 myń qazaqstandyq jumysqa ornalastyryldy, dep habarlaidy Dalanews.kz
Sýbsidiialanatyn jumys oryndaryna 153,6 myń adam jumysqa oranalsty, onyń ishinde: áleýmettik jumys oryndarynda 12,7 myń adam, jastar praktikasynda 21,5 myń adam, qoǵamdyq jumystarda 96,6 myń adam, «Kúmis jas» jobasy aiasynda 17 myń adam, «Alǵashqy jumys orny» jobasy boiynsha 5,6 myń adam, «Urpaqtar kelisimsharty» jobasy sheńberinde 241 adam jumyspen qamtyldy.
Eńbek naryǵyndaǵy suranysqa ie daǵdylar boiynsha onlain oqytýmen 53 myń jumyssyz qamtyldy, onyń ishinde 49,1 myńy oqýdy aiaqtady.
«Bastaý Biznes» jobasy boiynsha kásipkerlik negizderine oqytýmen 45,6 myń adam qamtyldy, onyń ishinde 25,9 myń adam oqýdy aiaqtap, sertifikattar aldy.
Jumys berýshilerdiń ótinishi boiynsha kásiptik oqytýǵa 8 075 adam jiberildi, onyń ishinde 2 541 adam oqýdy aiaqtady. Oqýdy aiaqtaǵannan keiin 1 065 adam jumysqa ornalasty.
Budan basqa, qyzmet salasyn tańdaý maqsatynda kásiptik ortalyqtarda 304,3 myń adam áleýmettik kásiptik baǵdarlaýdan ótip, keńes berý qyzmetterin aldy.
Azamattardy jumysqa ornalastyrý birneshe baǵyt boiynsha júzege asyrylatynyn jáne shyn máninde jumysqa ornalasqandyǵy olar úshin mindetti zeinetaqy jarnalarynyń aýdarylýymen rastalatynyn atap ótken jón.
Máselen, 2025 jylǵy 1 qazanda 607,3 myń adam jumysqa ornalastyryldy, onyń ishinde: halyqty jumyspen qamtýǵa járdemdesýdiń belsendi sharalary sheńberinde – 153,6 myń adam; Elektrondyq eńbek birjasynda jumys berýshiler ornalastyrǵan bos bos oryndarǵa – 142 myń adam; Memleket basshysynyń «10 myń turǵynǵa 100 jumys orny» bastamasy sheńberinde – 283 myń adam; ortalyq memlekettik organdar iske asyratyn jobalar sheńberinde – 28,7 myń adam.
Sonymen qatar, 2025 jyly halyqtyń áleýmettik osal sanattaryna jańa biznes-bastamalardy júzege asyrý úshin 400 AEK-ke deiin (1 572 800 teńge) 9 myń grant berý kózdelgen. 2025 jylǵy 1 qazanda respýblika boiynsha 8 964 grant berildi.
