Jambyl oblysynda 66 keli marıhýana tárkilendi. Bul týraly İİM málimdedi, dep habarlaıdy Dalanews.kz.
Polısıa qyzmetkerleri Batys Eýropa – Batys Qytaı tasjolynyń 583-shaqyrymynda Audi 100 kóligin toqtatqan. Kólikte kórshi oblystardyń eki turǵyny – júrgizýshi men jolaýshy bolǵan.
Qyzmettik ıt Baronnyń kómegimen kólikti tekserý kezinde artqy oryndyqtan 3 qap, al júk salǵyshtan erekshe ıisi bar ósimdik tektes zat salynǵan 9 qap tabylǵan. Saraptama nátıjesinde bul jalpy salmaǵy 66 keli bolatyn keptirilgen marıhýana ekeni anyqtaldy.
"Esirtki quraldaryn, psıhotrop zattardy, olardyń analogtaryn asa iri mólsherde zańsyz satyp alý, saqtaý, tasymaldaý, jóneltý nemese satý deregi boıynsha sotaldy tergeý bastaldy. Kúdiktiler ýaqytsha ustaý ızolátoryna qamaldy", - dedi İİM ókili.
