جامبىل وبلىسىندا 66 كەلى ماريحۋانا تاركىلەندى. بۇل تۋرالى ءىىم مالىمدەدى، دەپ حابارلايدى Dalanews.kz.
پوليسيا قىزمەتكەرلەرى باتىس ەۋروپا – باتىس جۇڭگو تاسجولىنىڭ 583-شاقىرىمىندا Audi 100 كولىگىن توقتاتقان. كولىكتە كورشى وبلىستاردىڭ ەكى تۇرعىنى – جۇرگىزۋشى مەن جولاۋشى بولعان.
قىزمەتتىك يت باروننىڭ كومەگىمەن كولىكتى تەكسەرۋ كەزىندە ارتقى ورىندىقتان 3 قاپ، ال جۇك سالعىشتان ەرەكشە ءيىسى بار وسىمدىك تەكتەس زات سالىنعان 9 قاپ تابىلعان. ساراپتاما ناتيجەسىندە بۇل جالپى سالماعى 66 كەلى بولاتىن كەپتىرىلگەن ماريحۋانا ەكەنى انىقتالدى.
"ەسىرتكى قۇرالدارىن، پسيحوتروپ زاتتاردى، ولاردىڭ انالوگتارىن اسا ءىرى مولشەردە زاڭسىز ساتىپ الۋ، ساقتاۋ، تاسىمالداۋ، جونەلتۋ نەمەسە ساتۋ دەرەگى بويىنشا سوتالدى تەرگەۋ باستالدى. كۇدىكتىلەر ۋاقىتشا ۇستاۋ يزولياتورىنا قامالدى"، - دەدى ءىىم وكىلى.
