Ál-Farabi atyndaǵy QazUÝ-da «Qazaqstandaǵy konstitýtsiialyq reforma: memleket institýttary men azamattyq qoǵamnyń ózara is-qimylynyń quqyqtyq negizderi» taqyrybynda dóńgelek ústel ótti. Aýqymdy jiyn aldaǵy 15 naýryzǵa josparlanǵan respýblikalyq referendým qarsańynda uiymdastyryldy, dep habarlaidy Dalanews.kz.
Talqylaýǵa QR Parlamenti Májilisiniń depýtattary, prokýratýra organdarynyń basshylyǵy, sondai-aq jetekshi zańger-ǵalymdar men sarapshylar qatysty.
Kezdesýdi ashqan QazUÝ-dyń Basqarma Tóraǵasy – Rektor Janseiit Túimebaev jańa Konstitýtsiia jobasynda «airyqsha jańashyldyǵymen erekshelenetin» negizgi ideialar kórinis tapqanyn atap ótti. Ýniveritet basshysynyń aitýynsha, qujatta halyqtyń el egemendiginiń birden-bir qainar kózi ekeni, Uly dalanyń myńjyldyq tarihi sabaqtastyǵy, memlekettiń ýnitarlyq sipaty, shekarasynyń myzǵymastyǵy men aýmaqtyq tutastyǵy, adam jáne azamat quqyqtary men bostandyqtaryn buljytpai saqtaý qaǵidattary naqty bekitilgen.
«Konstitýtsiia jobasynda mádeniet pen bilimdi, ǵylym men innovatsiiany damytý, tabiǵatqa janashyrlyqpen qaraý, barlyq memlekettermen beibitshilik pen dostyqty nyǵaitý siiaqty jańa qundylyqtar aiqyndalǵan. Bul erejeler el azamattarynyń barlyǵyn biriktiretin irgeli qundylyqtardy aishyqtaidy», – dedi Janseiit Qanseiituly.
Jiynda QR Parlamenti Májilisiniń depýtaty, Halyqaralyq ister, qorǵanys jáne qaýipsizdik komitetiniń tóraiymy Aigúl Quspan, Májilis depýtaty, Qarjy jáne biýdjet komitetiniń múshesi Erlan Stambekov jáne Májilis depýtaty, Qarjy jáne biýdjet komitetiniń múshesi Irina Smirnova sóz aldy. Halyq qalaýlylary óz sózderinde konstitýtsiialyq reformanyń eldegi demokratiialandyrý baǵytynyń zańdy jalǵasy ekenine nazar aýdardy. Olar jańa quqyqtyq normalar azamattardyń memlekettik basqarý úderisterine qatysý múmkindigin edáýir keńeitip, bilik institýttarynyń ashyqtyǵy men qoǵam aldyndaǵy eseptiligin kúsheitetinin jetkizdi.
Almaty qalasynyń prokýrory Serik Káripbekov óz baiandamasynda Negizgi zań jobasyna engiziletin negizgi ózgeristerge jan-jaqty taldaý jasap, ár tarmaqqa jeke-jeke toqtaldy.
Sondai-aq basqosýda QR Bas prokýratýrasy janyndaǵy Quqyq qorǵaý akademiiasynyń rektory Nurǵalym Ábdirov, Ál-Farabi atyndaǵy Qazaq ulttyq ýniversitetiniń professory, Konstitýtsiialyq komissiia múshesi Erkin Dúisenov, QR Ulttyq ǵylym akademiiasynyń akademigi Bereket Káribaev, Saiasattaný jáne saiasi tehnologiialar kafedrasynyń professory Esenjol Áliiarov jáne ózge de sarapshylar baiandama jasady.
Ál-Farabi atyndaǵy QazUÝ-dyń Memleket jáne quqyq teoriiasy men tarihy kafedrasynyń professor-zertteýshisi Janar Kegembaeva dóńgelek ústeldiń ereksheligi azamattyq qoǵam ókilderiniń kóptep qatysýynda ekenin atap ótti. Ol ýaqyt jyldam ózgerip, eldegi jáne álemdegi saiasi ahýal jańaryp, tsifrlandyrý úderisi qarqyn alyp kele jatqanyn aitty.
«Jańa Konstitýtsiia – zaman talaby ári qoǵam suranysy. Búgin biz barlyq jańashyldyqtardy talqylap otyrmyz. Nátijesinde memleketimizdiń jańa Konstitýtsiiasyn qabyldaý maqsatynda referendýmǵa belsendi qatysý bolady dep senemin», – dedi sarapshy.
Dóńgelek ústelge qatysýshylar aldaǵy referendým «Ádiletti Qazaqstan» qaǵidatyn ornyqtyrý jolyndaǵy mańyzdy qadam bolatynyn atap ótti. Kezdesý qorytyndysynda konstitýtsiialyq jańǵyrý jaǵdaiynda zańnamany jáne quqyq qoldaný tájiribesin jetildirýge baǵyttalǵan saraptamalyq usynymdar ázirlendi.
