Zańger Ádilethan Moldahandy qamaýda ustaý merzimi uzarǵany týraly aqparat taraǵan edi. Bul aqparatty Almaty Polısıa departamenti rastady, dep habarlaıdy Dalanews.kz.
"Ádilethan Moldahan inimniń qamalýy 2 aıǵa ne úshin sozyldy? Ádiletti Qazaqstanda ádildik qaıda? Bostandyqty talap etemin", - dep jazdy buǵan deıin zańger Dáýlethan Ahmetov.
Polısıanyń málimetinshe, kórineý jalǵan aqparat taratý deregi boıynsha sotaldy tergeý júrgizilip jatyr.
"Sotaldy tergeý aıasynda eki aı merzimge kúzetpen ustaý túrindegi bultartpaý sharasy sanksıalandy", - dedi polısıa.
Aıta keteıik, buǵan deıin ol 10 táýlikke qamaldy.
Eske salaıyq, buǵan deıin Almatyda zańger Ádilethan Moldahan qamaýǵa alynǵany habarlandy. Bul týraly zańgerdiń kómekshileri málimdedi. Olar zańgerdiń qamalýyn ál-Farabı dańǵylyndaǵy jol apatyna qatysty aıtqan pikirimen baılanystyrdy. Keıinirek polısıa zańger ustalǵanyn rastady.
