زاڭگەر ادىلەتحان مولداحاندى قاماۋدا ۇستاۋ مەرزىمى ۇزارعانى تۋرالى اقپارات تاراعان ەدى. بۇل اقپاراتتى الماتى پوليسيا دەپارتامەنتى راستادى، دەپ حابارلايدى Dalanews.kz.
"ادىلەتحان مولداحان ءىنىمنىڭ قامالۋى 2 ايعا نە ءۇشىن سوزىلدى؟ ادىلەتتى قازاقستاندا ادىلدىك قايدا؟ بوستاندىقتى تالاپ ەتەمىن"، - دەپ جازدى بۇعان دەيىن زاڭگەر داۋلەتحان احمەتوۆ.
پوليسيانىڭ مالىمەتىنشە، كورىنەۋ جالعان اقپارات تاراتۋ دەرەگى بويىنشا سوتالدى تەرگەۋ جۇرگىزىلىپ جاتىر.
"سوتالدى تەرگەۋ اياسىندا ەكى اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسى سانكسيالاندى"، - دەدى پوليسيا.
ايتا كەتەيىك، بۇعان دەيىن ول 10 تاۋلىككە قامالدى.
ەسكە سالايىق، بۇعان دەيىن الماتىدا زاڭگەر ادىلەتحان مولداحان قاماۋعا الىنعانى حابارلاندى. بۇل تۋرالى زاڭگەردىڭ كومەكشىلەرى مالىمدەدى. ولار زاڭگەردىڭ قامالۋىن ءال-فارابي داڭعىلىنداعى جول اپاتىنا قاتىستى ايتقان پىكىرىمەن بايلانىستىردى. كەيىنىرەك پوليسيا زاڭگەر ۇستالعانىن راستادى.
