Adýyndy aqyn, qoǵam qaıratkeri Muhtar Shahanov jansaqtaý bólimine túsken, dep habarlaıdy Dalanews.kz.

Bul týraly Muhtar Shahanov qorynyń tóraǵasy Nurjigit Ysqaq málimdedi.

"Halqymyzdyń qaharman aqyny ári jazýshysy, ult úshin janyn aıamaı, ter tókken azamat Muhtar Shahanovty bilmeıtin qazaq kem de, kem! Tek qazaq emes, búkil túrki álemin de moıyndatqany ótirik emes.

Qazir kókemiz 84 jasqa keldi. Biraq densaýlyǵy syr berip, jansaqtaý bóliminde jatyr. Endeshe, qurmetti halaıyq! Kókemizdiń tez saýyǵyp, ortamyzǵa oralýy úshin duǵa jasap qoıaıyq!" - dedi ol.

Qalyń jurtshylyq aqynnyń aıaqqa turyp ketýine tilektestik bildirgen: "El úshin eńirep eńbek etip, terin tókken Shahanov kókemiz tezirek jazylyp, otbasyna oralýyn Jaratýshydan tileımin!", "Tezirek saýyǵyp ketsin".

Aıta keteıik, Muhtar Shahanov - aqyn, dramatýrg, qoǵam qaıratkeri, Qazaqstannyń Eńbek Eri (2022 j.), Qazaqstannyń Halyq jazýshysy (1996 j.), Qyrǵyz Respýblıkasynyń Halyq aqyny (1994 j.).