AQSh-ta kólik ishinde bolǵan qaiǵyly oqiǵa áleýmettik jelilerde qyzý talqylanyp jatyr, dep habarlaidy Dala News.
Aldyn ala málimetterge sáikes, virýsqa ainalǵan videolarda kórsetilgendei, bul jol-kólik oqiǵasy emes. Oqiǵa kóliktiń artqy oryndyqtarynyń jinalý mehanizmimen bailanysty bolǵany aitylýda. Iaǵni bala artqy qatarda otyrǵan kezde oryndyq júiesi iske qosylyp, ony qysyp qalǵan.
Bul jaǵdai qoǵamda úlken rezonans týdyryp, zamanaýi kólik tehnologiialarynyń qaýipsizdigine qatysty suraqtardy qaita kóterdi.
Osyǵan bailanysty qazaqstandyq bloger Aidosstan de osyǵan uqsas fýnktsiiany Hyundai Palisade kóliginde tekserip kórgenin aitty.
«Jańalyqtardan AQSh-ta bolǵan jaǵdaidy kórdińizder. Bir kishkentai balanyń kólikte otyryp zardap shekken videosy tarady. Sol sebepti osy fýnktsiiany óz kóligimde tekserip kórgim keldi. Rasymen videodaǵydai qaýipti ekenin kórip turmyn», – dedi ol.
Blogerdiń aitýynsha, kúndelikti turmysta yńǵaily bolyp kórinetin mundai fýnktsiialar, ásirese balalar úshin qaýipti bolýy yqtimal.
Sarapshylardyń pikirinshe, mundai táýekelderdiń aldyn alý úshin:
•balalardy kólikte qaraýsyz qaldyrmaý;
•oryndyqtardyń jinalý mehanizmderin muqiiat tekserý;
•qorǵanys fýnktsiialary men bloktaý júieleriniń bar-joǵyn qaraý;
•qosymsha qaýipsizdik sharalaryn qoldaný qajet.
AQSh-taǵy bul jaǵdai zamanaýi kólik tehnologiialarynyń qaýipsizdigi men paidalanýshylardyń olar týraly qanshalyqty habardar ekenine qatysty máseleni taǵy da kún tártibine shyǵardy.
