Ulttyq qor qarajatyna birneshe memlekettik organ jaýapty. Bul týraly Qazaqstan Ulttyq Banki LS basylymynyń saýalyna jaýabynda habarlady.
Máselen, Qor aktivterin investitsiialyq basqarýdy Qazaqstan Ulttyq Banki júzege asyrady. 2025 jyldyń qorytyndysy boiynsha tabystylyq 15%-ǵa (8,7 mlrd dollar) jetip, sońǵy úsh jyldaǵy investitsiialyq tabys 19,5 mlrd dollar boldy.
Al qarajattyń maqsatty ári tiimdi jumsalýyna Úkimet pen biýdjettik baǵdarlamalardyń ákimshileri jaýap beredi. Ulttyq qordan qarajat respýblikalyq biýdjetke kepildendirilgen jáne nysanaly transfertter túrinde bólinedi, al olardy josparlaý men igerý jalpy biýdjettik protseske kiriktirilgen.
Qarajattyń jumsalýyn baqylaý bólek baǵyt retinde júzege asyrylady. Bul mindetti Joǵary aýditorlyq palata janyndaǵy arnaiy komissiia atqarady. Ol qarjylyq aýditten bastap jobalardyń tiimdiligin baǵalaýǵa deiingi barlyq kezeńge monitoring júrgizedi.
Aita ketý kerek, buǵan deiin Joǵary aýditorlyq palata Ulttyq qordy basqarýda biryńǵai ortalyqtyń joq ekenin atap ótken bolatyn. Osydan keiin BAQ tarapynan Qordaǵy qarajattyń qalai basqarylyp, qalai baqylanatyny týraly suraqtar týyndaǵan.
Ulttyq banktiń málimetinshe, fýnktsiialardy bólý modeli osylai tańdalǵan jáne ol ashyqtyq, eseptilik pen tiimdilik qaǵidattaryna negizdelgen. Árbir qurylym investitsiiadan bastap qarajatty túpkilikti paidalanýǵa deiingi óz baǵytyna jaýap beredi.
