Tarazda 13 jastaǵy qyzdy qutqarǵan er adam marapattaldy, dep habarlaıdy Dalanews.kz.
Jambyl oblysy Polısıa departamentinde Taraz qalasynyń turǵyny Nurken Omarovty marapattaý rásimi ótti. Buǵan deıin oblys ortalyǵynda eki belgisiz adam qoǵamdyq kólik aıaldamasynda turǵan qyz balany kólikpen alyp ketpek bolǵan. Osy kezde jaǵdaıǵa beı-jaı qaramaǵan azamat der kezinde aralasqan.
Kúdiktiler shuǵyl túrde anyqtalyp, ustalǵan. Sotaldy tergep-tekserý amaldary bastaldy.
Jambyl oblysy PD bastyǵy Qaısar Sultanbaev óńir turǵynyna ishki ister mınıstri Erjan Sádenovtiń, sondaı-aq, jeke óziniń atynan shynaıy alǵysyn bildirdi.
"Keıde erlik laýazymmen de, formamen de ólshenbeıdi. Ol qıyn jaǵdaıda durys sheshim qabyldap, kómekke kele alýdan kórinedi. Sizdiń jedel áreketińizdiń arqasynda jasóspirimniń qaýipsizdigi qamtamasyz etildi. Bul - bir otbasynyń ǵana emes, búkil qoǵamnyń tynyshtyǵyna qosylǵan úles", - dedi PD bastyǵy.
