تارازدا 13 جاستاعى قىزدى قۇتقارعان ەر ادام ماراپاتتالدى، دەپ حابارلايدى Dalanews.kz.
جامبىل وبلىسى پوليسيا دەپارتامەنتىندە تاراز قالاسىنىڭ تۇرعىنى نۇركەن وماروۆتى ماراپاتتاۋ ءراسىمى ءوتتى. بۇعان دەيىن وبلىس ورتالىعىندا ەكى بەلگىسىز ادام قوعامدىق كولىك ايالداماسىندا تۇرعان قىز بالانى كولىكپەن الىپ كەتپەك بولعان. وسى كەزدە جاعدايعا بەي-جاي قاراماعان ازامات دەر كەزىندە ارالاسقان.
كۇدىكتىلەر شۇعىل تۇردە انىقتالىپ، ۇستالعان. سوتالدى تەرگەپ-تەكسەرۋ امالدارى باستالدى.
جامبىل وبلىسى پد باستىعى قايسار سۇلتانبايەۆ ءوڭىر تۇرعىنىنا ىشكى ىستەر ءمينيسترى ەرجان سادەنوۆتىڭ، سونداي-اق، جەكە ءوزىنىڭ اتىنان شىنايى العىسىن ءبىلدىردى.
"كەيدە ەرلىك لاۋازىممەن دە، فورمامەن دە ولشەنبەيدى. ول قيىن جاعدايدا دۇرىس شەشىم قابىلداپ، كومەككە كەلە الۋدان كورىنەدى. ءسىزدىڭ جەدەل ارەكەتىڭىزدىڭ ارقاسىندا ءجاسوسپىرىمنىڭ قاۋىپسىزدىگى قامتاماسىز ەتىلدى. بۇل - ءبىر وتباسىنىڭ عانا ەمەس، بۇكىل قوعامنىڭ تىنىشتىعىنا قوسىلعان ۇلەس"، - دەدى پد باستىعى.
