Almatyda Jetisý kóshesiniń bir bóliginde ýaqytsha qozǵalys shekteledi, dep habarlaıdy Dala News.
Qala ákimdiginiń málimetinshe, ortasha jóndeý jumystaryna baılanysty 8 sáýir kúni saǵat 08.00-den 20 sáýir kúni saǵat 08.00-ge deıin Maqataev kóshesinen Ianýshkevıch kóshesine deıingi aralyqta qozǵalys ishinara jabylady.
Vedomstvonyń deregine sáıkes, jóndeý júrgiziletin ýchaskede eskertý belgileri men merdiger uıym basshysynyń baılanys derekteri kórsetilgen aqparattyq stendter ornatylady.
Qala turǵyndaryna baǵyttaryn aldyn ala josparlaý usynyldy.
Sondaı-aq qozǵalysqa engizilgen shekteýler týraly aqparat Almaty.kz saıtynda, AlmatyJoly Telegram-arnasynda, sondaı-aq 2GIS jáne «Iandeks kartalar» servısterinde qoljetimdi ekeni habarlandy.
