Astana prokýratýrasy qalalyq emhanada biýdjet qarajatyn jymqyrý shemasyn áshkereledi, dep habarlaidy Dalanews.kz.
Tekseris barysynda meditsinalyq uiymnyń burynǵy jetekshi quramy uzaq ýaqyt boiy azamattardy emdeýge arnalǵan biýdjet qarajatyn zańsyz jymqyrý shemasyn uiymdastyrǵany anyqtalǵan.
Qarajat olardyń jaqyn týystary men úlestes tulǵalardyń shotyna aýdarylyp, zańdy operatsiialar retinde búrkemelenip otyrǵan.
Jymqyrylǵan qarajattyń bir bóligi qymbat turmystyq tehnika satyp alýǵa, odan bólek, Italiiaǵa týristik saparlardyń aqysyn tóleýge jumsalǵan. Memleketke keltirilgen jalpy zalal 675 mln teńgeden asqan.
Bul derekke qatysty prokýratýra Qylmystyq kodekstiń 189-baby 4-bóligi (Asa iri mólsherde jymqyrý) boiynsha sotaldy tergep-tekserýdi bastady.
