استانا پروكۋراتۋراسى قالالىق ەمحانادا بيۋدجەت قاراجاتىن جىمقىرۋ سحەماسىن اشكەرەلەدى، دەپ حابارلايدى Dalanews.kz.
تەكسەرىس بارىسىندا مەديسينالىق ۇيىمنىڭ بۇرىنعى جەتەكشى قۇرامى ۇزاق ۋاقىت بويى ازاماتتاردى ەمدەۋگە ارنالعان بيۋدجەت قاراجاتىن زاڭسىز جىمقىرۋ سحەماسىن ۇيىمداستىرعانى انىقتالعان.
قاراجات ولاردىڭ جاقىن تۋىستارى مەن ۇلەستەس تۇلعالاردىڭ شوتىنا اۋدارىلىپ، زاڭدى وپەراسيالار رەتىندە بۇركەمەلەنىپ وتىرعان.
جىمقىرىلعان قاراجاتتىڭ ءبىر بولىگى قىمبات تۇرمىستىق تەحنيكا ساتىپ الۋعا، ودان بولەك، يتالياعا تۋريستىك ساپارلاردىڭ اقىسىن تولەۋگە جۇمسالعان. مەملەكەتكە كەلتىرىلگەن جالپى زالال 675 ملن تەڭگەدەن اسقان.
بۇل دەرەككە قاتىستى پروكۋراتۋرا قىلمىستىق كودەكستىڭ 189-بابى 4-بولىگى (اسا ءىرى مولشەردە جىمقىرۋ) بويىنشا سوتالدى تەرگەپ-تەكسەرۋدى باستادى.
