Saiasattanýshy Edýard Poletaevtyń aitýynsha Eýraziialyq odaqtyń qazirgi sipatynan arylyp, jańǵyrýy adami kapitalmen bailanysty.
«Odaq ekonomikasyn damytqymyz kelse, aldymen adam kapitalyn damytý qajet. Adami kapitaldy damytý úshin eń aldymen áleýmettik saiasatty ádiletti negizge qurý qajet», – deidi ol.
Al Halyqaralyq qatynastar jáne álemdik ekonomika institýtynyń direktory Ákimjan Arupovtyń pikirinshe adam kapitalyna kóńil aýdarǵan elderdiń barlyǵy ǵylymi tabysqa jetken. Demek, ǵylymdaǵy nátijeler adam kapitalymen tyǵyz bailanysty.
«Adam kapitaly degenimiz – adamnyń boiyndaǵy daryny, talanty, tájiribesi, danalyǵy, iskerligi, básekelestik zamandaǵy onyń adamdyq ári kásibi qabiletiniń ashylýy» deidi ol.
Óz kezeginde saiasattanýshy Rustam Burnashev «naqurystar men qabiletsiz adamdardan turatyn qoǵam eshýaqytta da úlken tabysqa ie bola almaidy.
Bir top saýatsyz nadandarǵa tamasha konstitýtsiiany berseńiz de tamasha qoǵam qura almaisyz. Al, kerisinshe, talantty, daryndy, bilimdi, deni saý, jigerli azamattardan turatyn qoǵam sózsiz ómir súrýdiń jańa, ilgeri joldaryna bastap, tabysqa jetedi», degen áigili Pitirim Sorokinniń sózin mysalǵa keltirdi.
Jiyndy túiindegen ǵalym Viacheslav Dodonov: «Adam kapitaly týraly aitqanda belgili bir eldiń ekonomikalyq qurylymyna nazar aýdarǵan jón. Eger ekonomikada joǵarytehnologiialy salasy jetik damysa, endeshe injenerler men baǵdarlamashylardy kóptep ázirleý qajet. Al eger belgili bir elde servistik qyzmet damyǵan bolsa, endeshe bul elge daiashylar, satýshylar, qonaq qyzmetkerlerin kópten ázirleý kerek bolady» dedi ol.
