Ortalyq №1 Qalalyq klinikalyq aýrýhana bazasynda qurylatyn bolady. Aýrýhana infarkt pen insýltterden, balalardyń tserebraldy salynan jáne neirogenerativti aýrýlardan keiin erte ońaltýǵa mamandandyrylǵan aýrýhana Qazaqstannyń jetekshi JOO-nyń biri ál-Farabi atyndaǵy QazUÝ-dyń basqarýyna berilgen bolatyn.
Oqý jylynyń basynda QazUÝ-ǵa Kanadadan álemge tanymal professorlar kelip, Qazaqstandaǵy densaýlyq saqtaý salasy mamandary úshin praktikalyq seminarlar men sheberlik synyptaryn ótkizedi.
Olardyń ishinde: Maikl Shevell - pediatriia fakýltetiniń dekany jáne Monreal balalar aýrýhanasynyń bas dárigeri; Annet Majnemer - dekannyń bilim jónindegi orynbasary, tserebraldy sal jáne meditsinany damytý salasynyń jetekshi sarapshysy; Larri Si Lends – ókpeniń genetikalyq aýrýlary salasyndaǵy belgili ǵalym jáne sarapshy, meditsina fakýltetiniń pediatriialyq pýlmonologiia bóliminiń meńgerýshisi, mýkovistsidoz jáne ókpeni transplantatsiialaý klinikasynyń direktorlary bar.
Olar qazaqstandyq áriptesterin zamanaýi keshendi baǵdarlamalarmen, aýrýlardy emdeý men ońaltýdyń dári-dármektik jáne dári-dármektik emes ádisterimen tanystyryp, ozyq tájiribemen jáne adamnyń júike júiesi aýrýlaryn zertteý nátijelerimen bólisedi.
MakGill ýniversitetiniń mamandary ál-Farabi atyndaǵy QazUÝ neiroreabilitatsiialyq ortalyǵynyń qyzmetine, neirodegenerativti aýrýlardy emdeý men ońaltýdyń jańa tehnologiialarynyń transfertine únemi keńes beredi.
Ortalyqtyń qurylýy birlesken zertteý jáne ǵylymi-bilim berý jumystaryn júrgizýge, QazUÝ-dyń meditsina fakýltetiniń stýdentteriniń tájiribelik daiyndyǵyn júrgizýge de múmkindik beredi. Bolashaqta ortalyq meditsinalyq týrizm draiverleriniń biri jáne neirodegenerativti aýrýlardy emdeý men ońaltý jónindegi Ortalyq Aziia habyna ainalýy tiis.
Atap ótý kerek, QazUÝ-da «Kannam Severans» klinikasymen (Koreia Respýblikasy) birlese ashylǵan meditsinalyq diagnostikalyq ortalyq tabysty jumys isteýde. Aǵymdaǵy jyldyń tamyz aiynda ońtústikkoreialyq dárigerler kezekti ret Almatyǵa kelip, ýniversitet qyzmetkerleri men qala turǵyndaryna tegin keńes beredi.
