ورتالىق №1 قالالىق كلينيكالىق اۋرۋحانا بازاسىندا قۇرىلاتىن بولادى. اۋرۋحانا ينفاركت پەن ينسۋلتتەردەن، بالالاردىڭ سەرەبرالدى سالىنان جانە نەيروگەنەراتيۆتى اۋرۋلاردان كەيىن ەرتە وڭالتۋعا مامانداندىرىلعان اۋرۋحانا قازاقستاننىڭ جەتەكشى جوو-نىڭ ءبىرى ءال-فارابي اتىنداعى قازۇۋ-دىڭ باسقارۋىنا بەرىلگەن بولاتىن.
وقۋ جىلىنىڭ باسىندا قازۇۋ-عا كانادادان الەمگە تانىمال پروفەسسورلار كەلىپ، قازاقستانداعى دەنساۋلىق ساقتاۋ سالاسى ماماندارى ءۇشىن پراكتيكالىق سەمينارلار مەن شەبەرلىك سىنىپتارىن وتكىزەدى.
ولاردىڭ ىشىندە: مايكل شيەۆەلل - پەدياتريا فاكۋلتەتىنىڭ دەكانى جانە مونرەال بالالار اۋرۋحاناسىنىڭ باس دارىگەرى؛ اننەت ماجنەمەر - دەكاننىڭ ءبىلىم جونىندەگى ورىنباسارى، سەرەبرالدى سال جانە مەديسينانى دامىتۋ سالاسىنىڭ جەتەكشى ساراپشىسى؛ لارري سي لەندس – وكپەنىڭ گەنەتيكالىق اۋرۋلارى سالاسىنداعى بەلگىلى عالىم جانە ساراپشى، مەديسينا فاكۋلتەتىنىڭ پەدياتريالىق پۋلمونولوگيا ءبولىمىنىڭ مەڭگەرۋشىسى، مۋكوۆيسيدوز جانە وكپەنى ترانسپلانتاسيالاۋ كلينيكاسىنىڭ ديرەكتورلارى بار.
ولار قازاقستاندىق ارىپتەستەرىن زاماناۋي كەشەندى باعدارلامالارمەن، اۋرۋلاردى ەمدەۋ مەن وڭالتۋدىڭ دارى-دارمەكتىك جانە دارى-دارمەكتىك ەمەس ادىستەرىمەن تانىستىرىپ، وزىق تاجىريبەمەن جانە ادامنىڭ جۇيكە جۇيەسى اۋرۋلارىن زەرتتەۋ ناتيجەلەرىمەن بولىسەدى.
ماكگيلل ۋنيۆەرسيتەتىنىڭ ماماندارى ءال-فارابي اتىنداعى قازۇۋ نەيرورەابيليتاسيالىق ورتالىعىنىڭ قىزمەتىنە، نەيرودەگەنەراتيۆتى اۋرۋلاردى ەمدەۋ مەن وڭالتۋدىڭ جاڭا تەحنولوگيالارىنىڭ ترانسفەرتىنە ۇنەمى كەڭەس بەرەدى.
ورتالىقتىڭ قۇرىلۋى بىرلەسكەن زەرتتەۋ جانە ءعىلىمي-بىلىم بەرۋ جۇمىستارىن جۇرگىزۋگە، قازۇۋ-دىڭ مەديسينا فاكۋلتەتىنىڭ ستۋدەنتتەرىنىڭ تاجىريبەلىك دايىندىعىن جۇرگىزۋگە دە مۇمكىندىك بەرەدى. بولاشاقتا ورتالىق مەديسينالىق تۋريزم درايۆەرلەرىنىڭ ءبىرى جانە نەيرودەگەنەراتيۆتى اۋرۋلاردى ەمدەۋ مەن وڭالتۋ جونىندەگى ورتالىق ازيا حابىنا اينالۋى ءتيىس.
اتاپ ءوتۋ كەرەك، قازۇۋ-دا «كاننام سيەۆەرانس» كلينيكاسىمەن (كورەيا رەسپۋبليكاسى) بىرلەسە اشىلعان مەديسينالىق دياگنوستيكالىق ورتالىق تابىستى جۇمىس ىستەۋدە. اعىمداعى جىلدىڭ تامىز ايىندا وڭتۇستىككورەيالىق دارىگەرلەر كەزەكتى رەت الماتىعا كەلىپ، ۋنيۆەرسيتەت قىزمەتكەرلەرى مەن قالا تۇرعىندارىنا تەگىن كەڭەس بەرەدى.
