كاسپيي تەڭٸزٸندەگٸ ەسكەري وقۋ-جاتتىعۋ كەزٸندە بولعان قايعىلى جاعدايدان امان قالعان اتىراۋلىق سارباز بەكەت مىرزاعاليەۆ مەرزٸمدٸ ەسكەري قىزمەتٸن اياقتاپ, تۋعان جەرٸنە ورالدى, دەپ حابارلايدى dalanews.kz.
ساربازدى اتىراۋ ەۋەجايىنان اتا-اناسى, تۋعان-تۋىستارى مەن دوستارى كٷتٸپ الدى. جاقىندارى ونىڭ امان-ەسەن ەلگە ورالعانىنا قۋانىپ, ساربازدى قۇشاق جايا قارسى العان.
بەكەت اقتاۋداعى №29011 ەسكەري بٶلٸمٸندە قىزمەت اتقارعان. ول قىركٷيەكتە ماڭعىستاۋ وبلىسىندا بولعان ەسكەري وقۋ-جاتتىعۋ كەزٸندە امان قالعان ساربازداردىڭ بٸرٸ.
كەيٸن بەكەتكە ەسكەري بورىشىن ٶتەۋ كەزٸندە كٶرسەتكەن ەرلٸگٸ مەن جانقييارلىعى ٷشٸن «ەرلٸگٸ ٷشٸن» مەدالٸ تابىستالعان.
ەسكە سالايىق, 24 قىركٷيەكتە كاسپيي تەڭٸزٸندەگٸ ەسكەري وقۋ-جاتتىعۋ بارىسىندا اۋا رايى كەنەتتەن كٷرت ناشارلاپ, 17 ەسكەري قىزمەتشٸنٸ تەڭٸز اعىسى الىپ كەتكەن. ٷشەۋٸ امان قالعان, 14 ەسكەري قىزمەتشٸ قازا تاپتى.
وقيعاعا بايلانىستى قىلمىستىق ٸس قوزعالىپ, تەرگەۋ باستالعان. ٷكٸمەتتٸك كوميسسييا دا قۇرىلىپ, ٸستٸڭ مەن-جايىن انىقتاۋ جۇمىستارى جٷرگٸزٸلگەن.
