قازاقستاندا العاش رەت Astana AI Film Festival ٶتٸپ, بٸردەن ەلەمدٸك اۋقىمداعى شاراعا اينالدى. 125 ەلدەن تٷسكەن 8 067 ٶتٸنٸم ونى جاساندى ينتەللەكت كٶمەگٸمەن جاسالعان كينو تۋىندىلارى اراسىنداعى ەڭ ٸرٸ حالىقارالىق بايقاۋعا اينالدىردى, دەپ حابارلايدى dalanews.kz.
بٷگٸن ەلوردادا جەڭٸمپازدار جارييالاندى.
گران-پري مەن $450 مىڭدى لاتۆييادان كەلگەن Nikolay Shestak «The First Honest Day» فيلمٸ ٷشٸن يەلەندٸ. ٸس-ەرەكەتتەرٸڭٸز سىرتقى كەلبەتٸڭٸزدٸ تٸكەلەي ٶزگەرتەتٸن ەلەمدٸ ەلەستەتٸپ كٶرٸڭٸز: جاماندىق جاساساڭىز – اجارسىزداناسىز, جاقسىلىق جاساساڭىز – قۇلپىرا تٷسەسٸز. جەڭٸمپاز مۇنداي ماراپاتتى كٷتپەگەنٸن, ال جٷلدە قارجىسىن جاڭا فيلمدەر تٷسٸرۋگە جۇمساماق ەكەنٸن ايتتى.
قازاقستاندىق مىرزاحان جۇماحان «ٷزدٸك كەيٸپكەر» نوميناتسيياسىندا جەڭٸسكە جەتتٸ. ونىڭ «It Was Just a Joke» كومەديياسىندا يت پەن ونىڭ يەسٸنٸڭ اعاسى بٸر ەزٸلدٸڭ كەسٸرٸنەن جانجالداسىپ قالادى. وقيعانىڭ ارى قارايعى ٶربۋٸ ناعىز بلوكباستەردەن كەم ەمەس. اۆتوردىڭ ٶزٸ پرانك پەن كٶڭٸلدٸ جاقسى كٶرەتٸنٸن, سوندىقتان وسىنداي وقيعانى تٷسٸرگەنٸن ايتادى.
ەكٸنشٸ ورىن جەنە $200 مىڭ – ٷندٸستاننىڭ «SITARA» فيلمٸنە بۇيىردى. ٷشٸنشٸ ورىن مەن $100 مىڭدى يسپانييالىق «Looking For Perseida» يەلەندٸ.
مىڭداعان ٶتٸنٸمنٸڭ ٸشٸنەن فينالعا نەبەرٸ 25 جۇمىس ٶتتٸ. ولاردى حالىقارالىق قازىلار القاسى باعالادى. ونىڭ قۇرامىندا يۋنەسكو-نىڭ بۇرىنعى باسشىسى ودري ازۋلە جەنە ينۆەستور بالادجي سرينيۆاسان بولدى.
فەستيۆالدٸڭ جالپى جٷلدە قورى – $2 ملن: ونىڭ جارتىسى جٷلدەلەرگە, قالعان جارتىسى پەرسپەكتيۆالى AI-كوماندالاردى قولداۋعا جەنە قازاقستانداعى ٶندٸرٸستٸ دامىتۋعا باعىتتالادى.
جي كٶمەگٸمەن جاسالعان فيلمدەر بٷگٸندە ٷلكەن ەكراندا كٶرسەتٸلٸپ, جٷزدەگەن مىڭ دوللار كٶلەمٸندەگٸ جٷلدەلەرگە يە بولىپ جاتىر. استانا مۇنداي فەستيۆالدٸ العاش رەت قابىلداپ, ەلەمنٸڭ تٷكپٸر-تٷكپٸرٸنەن كەلگەن ٷزدٸك جۇمىستار تاڭدالاتىن الاڭعا اينالدى.
