Kaspii teńizindegi áskeri oqý-jattyǵý kezinde bolǵan qaiǵyly oqiǵadan aman qalǵan sarbaz Beket Qýandyq Instagram paraqshasynda qaza tapqan qatarlastaryna arnap jazba jariialady, dep habarlaidy dalanews.kz.
Ol birge qyzmet etken sarbazdardan aiyrylý ózine aýyr tigenin aityp, olardyń otbasylary men týǵan-týystaryna kóńil aitty.
"Qaza tapqan qarýlas baýyrlarymnyń otbasylaryna, týǵan-týystaryna shyn júrekten kóńil aitamyn.
Birge qyzmet etken, bir sapta júrgen jigitterden aiyrylý — júrekke aýyr soqqy. Men aman qalǵanymmen, sol kúngi qaiǵy men qasiret júregimde máńgi qalady. Qasymda bolýy tiis baýyrlarymnyń endi aramyzda joqtyǵy janymdy aýyrtady.
Jigitterimniń jatqan jeri jaily, topyraǵy torqa bolsyn. Alla aldynan jarylqap, jandaryn jánnattan etsin. Artynda qalǵan otbasylaryna sabyr men tózim bersin.
Biz olardy eshqashan umytpaimyz. Olar — bizdiń qarýlastarymyz, baýyrlarymyz. Erlikteri men jarqyn beineleri júregimizde máńgi saqtalady.
Jandary jánnatta bolsyn, baýyrlarym!
Barsha biz úshin ýaiymdap,duǵada bolǵan qazaq eli sizderge Alla razy bolsyn", – dep jazdy Beket.
