Elimizdiń ár óńirinen kelgen 100 sportshy 16 shaqyrymdyq jarysqa túsip, myqtysy anyqtaldy. Kúnniń qaptap ystyǵyna qaramastan 4 jastaǵy balamen birge 80 jastaǵy qarttar da baqtaryn synady.
Jas ereksheligi belgilenbegen bul jarys elimizdiń týristik infraqurylymy damyǵan Alakól jaǵalaýynda ótýi qatysýshylar men kórermenderdi qýantty. – Men kórermen jáne sport jankúieri retinde biyl ekinshi ret bul jarysty tamashalap otyrmyn.
Ótý barysy men uiymdastyrýshylyq jaǵy óte joǵary deńgeide. Alakól jaǵalaýy jyl saiyn kórkeiip, abattandyrý jumystary kóz tartady. Jaqsy demalyspen qatar túrli jarystardyń, merekelik keshterdiń ótýi jurtshylyqty qatty qýantyp, keremet kóńil-kúi syilaidy, - deidi astanalyq demalýshy Marjan Álibekqyzy.
Shara qorytyndysy boiynsha I oryndy úrjarlyq Nurtai Baitikov ielenip, júldege qoiylǵan sý jańa velosipedti mindi. Sonymen qatar, jarysqa qatysqan eń jas jáne egde jastaǵy azamattar Ámirǵali Muratbekov, Aijan Kimadieva, Nurlanbek Sandybaev, Ziiash Jaqypbekova, Nurtai Baitikov, Evgenii Medved «Absoliýttik jeńimpaz», «Jeńiske degen jigeri úshin» atty nominatsiialarǵa ie boldy. Barlyq qatysýshylar QR Mádeniet jáne sport ministrliginiń diplomdarymen jáne baǵaly syilyqtarmen marapattaldy.
Aýqymdy sharanyń elimizdiń Shyǵysyndaǵy kórikti jerleriniń biri – Alakól jaǵasynda ótýi óte oryndy. Óitkeni týristik meken jyl saiyn ajarlanyp, jańa reńge ie bolyp otyr. Qazirgi kúni oblys ákimi Danial Ahmetovtyń basshylyǵymen Alakólde abattandyrý, kógaldandyrý, qurylys jumystary joǵary deńgeide júrgizilip, iri jobalar iske asyrylǵan.
Bul týristik keshenniń áleýmettik-ekonomikalyq áleýetin eselep, el maqtaityn mekenniń kelbetin keltirdi. "Tsifrly Qazaqstan" jobasy aiasynda ortalyqqa zamanaýi pottar ornalastyrylyp, kez kelgen demalýshy unaǵan demalys úiin onlain júiede tańdai alady.
Sonymen birge, ajarymen kóz tartatyn arbat pen ondaǵy túrli-tústi sýburqaqtar, kól jaǵasyndaǵy oazis baǵytynda qolǵa alynǵan saiabaq, Qabanbai aýylyndaǵy tarihi-ólketaný murajaiy men kól jaǵasynda boi kótergen jańa nysandar atqarylǵan aýqymdy jumystyń nátijesi. Sońǵy derekter boiynsha kól basyna shomylý maýsymy bastalǵaly elimizdiń barlyq oblystary men shaqyn shetelderden 1 millionǵa tarta demalýshylar kelgen.
Bul Alakóldiń imidjin kóterip, týristik salany damytýda. Demalýshylar qolailyǵy úshin poezd joly ashylyp, arnaiy áýe reisteri de tyńǵylyqty jumys jasap tur.
