Kólik vitse-ministri Maqsat Qaliaqparov Shymkent qalasynda LRT salý qajet dep esepteitinin aitty, dep habarlaidy Dalanews.kz.
Onyń sózinshe, mundai sheshim memlekettik organdar men turǵyndardyń keń talqylaýynan keiin qabyldanýy tiis.
Úkimettegi baspasóz máslihatynda ol mundai jobalar jan-jaqty zertteýdi qajet etetinin jetkizdi.
«Mundai jobalar jan-jaqty zerdeleýdi talap etedi. Bir ǵana organ óz betinshe sheshim qabyldamaidy. Onyń belgili talaptary bar: qozǵalys qarqyndylyǵy, halyq sany, infraqurylym. Meniń oiymsha, Shymkentte mundai joba qajet», – dedi vitse-ministr.
Maqsat Qaliaqparov osyǵan uqsas kólik júielerin damytý máselesi basqa qalalarda da qarastyrylyp jatqanyn aitty. Onyń ishinde Almaty qalasy da bar.
