كٶلٸك ۆيتسە-مينيسترٸ ماقسات قالياقپاروۆ شىمكەنت قالاسىندا LRT سالۋ قاجەت دەپ ەسەپتەيتٸنٸن ايتتى, دەپ حابارلايدى Dalanews.kz.
ونىڭ سٶزٸنشە, مۇنداي شەشٸم مەملەكەتتٸك ورگاندار مەن تۇرعىنداردىڭ كەڭ تالقىلاۋىنان كەيٸن قابىلدانۋى تيٸس.
ٷكٸمەتتەگٸ باسپاسٶز مەسليحاتىندا ول مۇنداي جوبالار جان-جاقتى زەرتتەۋدٸ قاجەت ەتەتٸنٸن جەتكٸزدٸ.
«مۇنداي جوبالار جان-جاقتى زەردەلەۋدٸ تالاپ ەتەدٸ. بٸر عانا ورگان ٶز بەتٸنشە شەشٸم قابىلدامايدى. ونىڭ بەلگٸلٸ تالاپتارى بار: قوزعالىس قارقىندىلىعى, حالىق سانى, ينفراقۇرىلىم. مەنٸڭ ويىمشا, شىمكەنتتە مۇنداي جوبا قاجەت», – دەدٸ ۆيتسە-مينيستر.
ماقسات قالياقپاروۆ وسىعان ۇقساس كٶلٸك جٷيەلەرٸن دامىتۋ مەسەلەسٸ باسقا قالالاردا دا قاراستىرىلىپ جاتقانىن ايتتى. ونىڭ ٸشٸندە الماتى قالاسى دا بار.
