Shildeden bastap Qazaqstanda birneshe azyq-túlik túrleri qymbattaıdy, dep habarlaıdy Dalanews.kz.
Un, maı jáne alkogól
Digitall business málimetinshe, saýda jáne ıntegrasıa mınıstrligi 2025 jyldyń 1 shildesinen bastap birneshe taýarlar boıynsha eń tómengi baǵalardyń kóterilgenin habarlady.
Un 44,6%-ǵa qymbattaıdy (eń tómengi baǵa 96,65 teńgeden 139,81 teńgege deıin ósti), kúnbaǵys maıy – 61,2%-ǵa. Sondaı-aq ashytqy da qymbattady. Bul ıngredıentterdiń tanymaldyǵyn eskere otyryp, kóptegen taǵamdardy daıyndaý quny da ósedi, sondaı-aq nan, toqash, kondıterlik ónimder de qymbattaýy múmkin.
Alkogólge kelsek: araq 6,4%-ǵa qymbattap, lıtri 1136,16 teńge bolady, al konák – 21,5%-ǵa, lıtri 3282,97 teńgege deıin ósedi.
Kórsetilgen eń tómengi baǵalar 2025 jyldyń 1 shildesinen 30 qyrkúıegine deıin qoldanylady.
Jaqsy jańalyq ta bar - taýyq jumyrtqasy azdap arzandady. Eń tómengi baǵa 4%-ǵa tómendep, 39,38 teńgeden 37,8 teńgege deıin tústi.
Temeki
2025 jyldyń 1 shildesinen bastap temeki ónimderiniń baǵasy da ósti - 920 teńgege deıin.
Temekige bólshek baǵany 920 teńge deńgeıinde belgileý 2025 jyldyń 1 shildesinen 31 jeltoqsanyna deıin usynylady. 2026 jyldyń 1 qańtarynan bastap temeki 970 teńgege deıin qymbattaıdy. Qazirgi ýaqytta bekitilgen eń tómengi baǵa - 870 teńge.
«Usynylǵan túzetýlerdi engizý Qazaqstanda temeki men temeki shegýdiń taralýy men qoldanylýyn turaqty túrde azaıtýǵa baǵyttalǵan densaýlyq saqtaý salasyndaǵy maqsattarǵa qol jetkizýdi qamtamasyz etedi», - dep atap ótti Memlekettik kirister komıteti.
Taýarlyq gaz
2025 jyldyń 1 shildesinen bastap Qazaqstanda taýarlyq gazǵa jańa shekti baǵalar kúshine endi. Biraq Energetıka mınıstrligi iri tutynýshylardy, sonyń ishinde maınıng kompanıalaryn, jáne ishki naryqtyń qalǵan bóligin bóldi.
İri kompanıalar úshin, onyń ishinde maınerlerge Almaty, Almaty jáne Jetisý oblystarynda eń joǵarǵy baǵa – QQS-syz 1000 tekshe metr úshin 76 686 teńge. Shyǵys Qazaqstan oblysynda – eń tómengi shek – 13 069 teńge.
Qarapaıym tutynýshylarǵa kelsek, baǵanyń ósýin eń qatty Almaty, Almaty jáne Ulytaý oblystary sezinedi – 1000 tekshe metrge 39 979 teńge. Eń tómen baǵa SHQO-da saqtalyp otyr – 7 563 teńge (qazirgi baǵamen salystyrǵanda ózgeris joq).
