«Ýral Oil end Gaz» JShS-niń bas direktory bolyp Prezidenttiń jastar kadrlyq rezerviniń múshesi, Atyraý oblysynyń burynǵy ákimi Mahambet Dosmuhambetovtiń uly Bolat Dosmuhambetov taǵaiyndaldy, dep habarlaidy Dalanews.kz.
Bolat Dosmuhambetov – Q.I.Sátbaev atyndaǵy QazUTÝ-dyń «Munai jáne gaz geologiiasy» mamandyǵy boiynsha túlegi. Frantsiiadaǵy Lotaringiia Ulttyq politehnikalyq institýtynda «Geologiia jáne ken oryndaryn igerý» mamandyǵy boiynsha magistrlik bilim alǵan. Sonymen qatar, MBA dárejesin KazGUU Business School jáne University of Business and International Studies oqý oryndarynda alǵan.
Ol ár jyldary Weatherford kompaniiasynda injener-geofizik, Total S.A. kompaniiasynyń qurylymdyq geologiia jáne shógindi jynystar bóliminde geolog, KMG Kashagan B.V.-de perspektivalyq jobalar departamentiniń direktory, CMOC B.V. kompaniiasynda bas direktordyń orynbasary, «Isatai Opereiting» JShS-niń bas direktory qyzmetterin atqarǵan.
«QazMunaiGaz» baspasóz qyzmetiniń habarlaýynsha, «Ýral Oil end Gaz» JShS Batys Qazaqstan oblysyndaǵy Fedorov blogynda jumys júrgizip jatyr. Joba aktsionerleri: «QazMunaiGaz» UK» AQ, MOL Group jáne First International Oil Corporation Limited (Sinopec enshiles kompaniiasy).
Bolat Dosmuhambetov – 2019 jyly Atyraý oblysynyń ákimi bolyp taǵaiyndalǵan 61 jastaǵy Mahambet Dosmuhambetovtiń uly. Ol ákimdikke «jeke oiynshy» retinde keldi, alaida bir jyl ishinde óz komandasyn jasaqtaýǵa tyrysty. Alaida sarapshylar da, jergilikti halyq ta onyń komandasyn basqarýshylyq qabileti tómen, álsiz quram dep baǵalaǵan.
