Abai oblysynda Prezident Qasym-Jomart Toqaevtyń tapsyrmalary aiasynda halyqty sapaly aýyz sýmen qamtamasyz etý boiynsha jobalardy iske asyrý jalǵasýda. Óńir ákimi Berik Ýáli Úkimet otyrysy barysynda búgingi tańda aýyz sýmen qamtamasyz etý deńgeii 93,4%, onyń ishinde qalalarda - 94,2%, aýyldarda - 93,1% quraitynyn baiandady, - dep habarlaidy Dalanews.kz
320 aýyldyq eldi mekenniń 171-i ortalyqtandyrylǵan sýmen qamtamasyz etilgen, 99-ynda blok-modýlder ornatylǵan, taǵy 24 eldi meken sýdy jergilikti sý kózderinen alady. Al 39,4 myń adam sýǵa qol jetkize almai otyr.
«Memleket basshysynyń halyqty taza aýyz sýmen 100% qamtamasyz etý jónindegi tapsyrmalaryn oryndaý aiasynda Abai oblysynda 14,4 mlrd teńgege 37 joba iske asyrylýda»,— dedi ákim.
Onyń ishinde, jalpy somasy 10,7 mlrd teńge bolatyn 19 joba Úkimettiń qoldaýymen júzege asýda. 6,2 mlrd teńge somasyndaǵy taǵy úsh joba oblystyq biýdjet qarajaty esebinen bastaldy, búginde onyń 620 mln teńgesi bólindi. Qurylys jumystary júrgizilýde.
Qosymsha qarjylandyrý máselesi salalyq ministrliktermen kelisiledi. Berik Ýáli osy jobalardyń barlyǵyn iske asyrý jáne paidalanýǵa berý óńirdegi sýmen jabdyqtaý máselesin tolyǵymen sheshýge múmkindik beretinin atap ótti.
