Niý-Iork qor birjasyndaǵy saýda-sattyq qorytyndysy boiynsha álemdegi eń bai 500 adamnyń jiyntyq bailyǵy bir táýlikte 336 milliard dollarǵa artty. Bloomberg málimetinshe, bul – tarihtaǵy eń iri kúndik ósim, dep habarlaidy dalanews.kz.
Qazirgi tańda atalǵan milliarderlerdiń jalpy dáýleti 13,3 trillion dollarǵa jetken.
Eń úlken ósim amerikalyq kásipker Ilon Maskqa tiesili boldy. Onyń bailyǵy bir kúnde 164 milliard dollarǵa kóbeiip, 1,27 trillion dollarǵa jetti.
Sondai-aq Meta kompaniiasynyń negizin qalaýshy Mark Tsýkerbergtiń dáýleti 9,16 milliard dollarǵa, Oracle korporatsiiasynyń teń quryltaishysy Larri Ellisonnyń bailyǵy 8,92 milliard dollarǵa ósti.
Google negizin qalaýshylar Larri Peidj ben Sergei Brinniń bailyǵy tiisinshe 7,61 milliard jáne 7,01 milliard dollarǵa artqan. Al Amazon kompaniiasynyń negizin qalaýshy Djeff Bezos bir táýlikte 6,96 milliard dollarǵa baiyǵan.
