Qazaqstanda 2026 jyldan bastap bankter, tólem júieleri men uialy bailanys operatorlary kúmándi dep tapqan qarjy aýdarymdaryn bes jumys kúnine deiin buǵattai alady, dep habarlaidy Dalanews.kz.
Mundai talap 2025 jyldyń 30 maýsymynda qol qoiylǵan "Tólemder jáne tólem júieleri týraly" zańǵa engizilgen ózgeristerde kórsetilgen. Buǵan deiin kúmándi tranzaktsiialar eń kóp degende úsh kúnge buǵattalyp kelgen.
Jańa erejege sáikes, bankter men qarjy uiymdary qandai da bir tranzaktsiiadan alaiaqtyq belgilerin baiqasa, ol operatsiiany dereý toqtatyp, klientten túsinikteme talap etýge quqyly. Eger paidalanýshy qarjynyń zańdy ekenin dáleldei almasa, onyń esepshoty nemese elektrondy ámiiany tolyqtai anyq-qanyǵy belgili bolǵanǵa deiin buǵatta turady.
Eger klient operatsiianyń zańdylyǵyn rastaityn aqparatty usynsa, buǵattalǵan qarajat dereý ashylady. Al aýdarym shynymen de alaiaqtyq áreket bolyp shyqsa, klienttiń derekteri quqyq qorǵaý organdaryna beriledi. Sondai-aq, bul paidalanýshy «kúdikti operatsiialar» týraly arnaiy bazaǵa tirkeledi.
