Úkimet otyrysy barysynda Oljas Bektenov sýmen jabdyqtaý jáne sý tartý jobalary boiynsha kesteden keshigip jatqan birqatar óńirdi atady. Tek birinshi jarty jyldyqtyń ózinde memlekettik organdarǵa sýmen jabdyqtaý máseleleri boiynsha turǵyndardan 30 myńǵa jýyq aryz-shaǵym kelip túsken, - dep habarlaidy Dalanews.kz
Tiisti vedomstvolarǵa jumystardy tezirek aiaqtaý jóninde tapsyrmalar berildi.
"Máselen Sý resýrstary men irrigatsiia ministrligi men Aqmola oblysy ákimdiginiń aldyna qysqa merzimde elorda mańyndaǵy aýyldardy ortalyqtandyrylǵan sýmen qamtamasyz etý sharalaryn qabyldaý mindeti qoiyldy", - dep jazylǵan habarlamada.
Al "Samuryq-Qazyna" qory men Mańǵystaý oblysynyń ákimdigine 15 shildege deiin Kendirli zaýytyn iske qosý jumystaryn aiaqtap, Jańaózen qalasyna sý berýdi qamtamasyz etý tapsyryldy.
Oǵan qosa Qarjy, Ónerkásip jáne qurylys ministrlikteri Ulytaý oblysynyń ákimdigimen birlesip, osy jyldyń 1 tamyzyna deiin Jezqazǵanda sý tazartý qurylysyn rekonstrýktsiialaý jobasyn qosymsha qarjylandyrý jóninde sheshim qabyldaýy qajet.
"Ónerkásip jáne qurylys, Sý resýrstary ministrlikteri men óńir ákimdikterine keshigip jatqan jobalardy tolyq aiaqtaý úshin túbegeili sharalar qabyldaýdy tapsyramyn", - dep atap ótti Oljas Bektenov.
Oǵan qosa Memleket basshysynyń halyqty sapaly aýyz sýmen 100% qamtamasyz etý jónindegi tapsyrmasynyń oryndalý barysy qaraldy. Baiandamalardy tyńdap shyqqan premer-ministr birqatar tapsyrma berdi.
"Óńir ákimdikteri jyl sońyna deiin aýyz sýmen qamtý boiynsha qoldanystaǵy barlyq jobany iske qosýdy qamtamasyz etsin. Buǵan óńirlerdiń birinshi basshylary tikelei jaýap beredi. Qarjy ministrligi bekitilgen qarajatty jergilikti atqarýshy organdarǵa jedel tártippen aýdarýy qajet", - dep tapsyrdy Oljas Bektenov.Premer-ministr eldi mekenderdi damytý josparlaryn eskere otyryp, toptyq sý qubyrlaryn salý jumystaryn jandandyrýdy da tapsyrdy.
"Toptyq sý qubyrlaryn damytýǵa airyqsha nazar aýdarý kerek. Bul jumysty eldi mekenderdi damytý josparlarymen úilestire otyryp júrgizý qajet. Kei jaǵdailarda aýyl ishindegi jeliler daiyn bolǵanmen, sý kózine qol jetkizý múmkin emes. Nemese kerisinshe aýylǵa deiin sý jelisi tartylǵan, alaida ishki sý qubyrlary daiyn bolmai jatady", - dep atap ótti Oljas Bektenov.Premer-ministr Sý resýrstary jáne irrigatsiia ministrliginiń aldyna jyl sońyna deiin toptyq sý qubyrlaryn salý jáne jańǵyrtý jobalaryn aiaqtaýdy qamtamasyz etý mindetin qoidy. Qarjy ministrligimen birlesip, 2026 jyly toptyq sý qubyrlaryn biryńǵai keshender retinde ákimdikterdiń balansyna berýdi qamtamasyz etý qajet. Sonymen qatar, Ulttyq ekonomika ministrligine múddeli memlekettik organdarmen birlesip, múlikti respýblikalyq menshikten kommýnaldyq menshikke berý máselelerin retteitin normativtik quqyqtyq aktilerge ózgerister men tolyqtyrýlar engizý tapsyryldy.
