Almaty oblysy Qarasai aýdanyna qarasty Jalpaqsai aýylynda aýyr jaǵdai tirkeldi. Úsh birdei it — bir pitbýl jáne eki rotveiler jeke aýmaqtan shyǵyp ketip, fýtbol alańynda oinap júrgen 10 jastaǵy balaǵa shabýyl jasaǵan. Qazir bala aýyr halde jansaqtaý bóliminde jatyr, - dep habarlaidy Dalanews.kz
Kýágerlerdiń aitýynsha, itter balany aiaýsyz julmalap, qulaǵyn julyp alǵan. Sonymen qatar, denesi men basynan kóptegen jaraqat alǵan. Oqiǵa ornynda bolǵan adamdardyń aitýynsha, bul kórinis adam shoshyrlyq bolǵan: adamdar aiqailap, kómek shaqyrǵan, biraq itter toqtamaǵan.
Eki er adam ǵana balany qutqarýǵa kirisip, solardyń biri pitbýlge qarsy qarý qoldanýǵa májbúr bolǵan. Atyp óltirilgen itten keiin ǵana jaǵdai turaqtalǵan.
Turǵyndardyń aitýynsha, itterdiń iesi jaýapkershilikten qashyp, kinásin moiyndamai otyr.
"Tiisti saraptamalar taǵaiyndaldy, olardyń nátijeleri boiynsha protsestik sheshim qabyldanady", - dedi Almaty oblysy politsiia departamentinde.
Jergilikti turǵyndar bul jaǵdaiǵa qatty alańdaýly. Olar itterge qatysty zańdardyń kúsheitilip, mundai jaǵdailarǵa jol bermeý úshin naqty sharalar qabyldanýyn talap etýde.
