Memleket basshysy bala ómirin saqtap qalǵan dárigerlerdiń qajyrly eńbegin úlgi etti, dep habarlaidy dalanews.kz.
Búgin Aqordada meditsina qyzmetkeri kúnine orai saltanatty is-shara ótti.
"Elimiz sapaly ári qarqyndy túrde ósip-órkendeýi úshin azamattarymyzdyń táni de, jany da saý bolýǵa tiis. Bul – barshaǵa belgili aqiqat. Sizder osy izgi maqsat jolynda aianbai qyzmet etip júrsizder. Qazaqta "Jaqsynyń jaqsylyǵyn ait, nury tasysyn" degen sóz bar. Meniń atyma kúnine júzdegen hat kelip túsedi. Azamattarymyz ózderiniń aryz-shaǵymyn, usynys-tilegin, sondai-aq, jyly lebizin bildirip jatady. Búgin Qaraǵandy oblysynyń turǵyny jýyrda ǵana joldaǵan bir hatqa toqtalyp ótkim keledi. Onda oqys jaǵdaiǵa tap bolǵan tórt jasar balany oblystyq aýrýhana dárigerleriniń aman alyp qalǵany jóninde jazylǵan. Búldirshinniń jaqyn týystary meditsina mamandarynyń óz isine adaldyǵyn erekshe atap ótken. Aýrýhana qyzmetkerlerine, sondai-aq, densaýlyq saqtaý salasynyń basshylaryna rizashylyǵyn bildirgen. Kishkentai balanyń ómirin saqtap qalǵan bilikti maman qazir ortamyzda otyr. Kásibi sheberliktiń ozyq úlgisin kórsetip júrgen adamdardyń qajyrly eńbegi laiyqty baǵalanýǵa tiis. Memleket osyndai otanshyl, adal azamattarǵa árdaiym qoldaý kórsetedi", - dedi Prezident.
