مەملەكەت باسشىسى بالا ٶمٸرٸن ساقتاپ قالعان دەرٸگەرلەردٸڭ قاجىرلى ەڭبەگٸن ٷلگٸ ەتتٸ, دەپ حابارلايدى dalanews.kz.
بٷگٸن اقوردادا مەديتسينا قىزمەتكەرٸ كٷنٸنە وراي سالتاناتتى ٸس-شارا ٶتتٸ.
"ەلٸمٸز ساپالى ەرٸ قارقىندى تٷردە ٶسٸپ-ٶركەندەۋٸ ٷشٸن ازاماتتارىمىزدىڭ تەنٸ دە, جانى دا ساۋ بولۋعا تيٸس. بۇل – بارشاعا بەلگٸلٸ اقيقات. سٸزدەر وسى ٸزگٸ ماقسات جولىندا ايانباي قىزمەت ەتٸپ جٷرسٸزدەر. قازاقتا "جاقسىنىڭ جاقسىلىعىن ايت, نۇرى تاسىسىن" دەگەن سٶز بار. مەنٸڭ اتىما كٷنٸنە جٷزدەگەن حات كەلٸپ تٷسەدٸ. ازاماتتارىمىز ٶزدەرٸنٸڭ ارىز-شاعىمىن, ۇسىنىس-تٸلەگٸن, سونداي-اق, جىلى لەبٸزٸن بٸلدٸرٸپ جاتادى. بٷگٸن قاراعاندى وبلىسىنىڭ تۇرعىنى جۋىردا عانا جولداعان بٸر حاتقا توقتالىپ ٶتكٸم كەلەدٸ. وندا وقىس جاعدايعا تاپ بولعان تٶرت جاسار بالانى وبلىستىق اۋرۋحانا دەرٸگەرلەرٸنٸڭ امان الىپ قالعانى جٶنٸندە جازىلعان. بٷلدٸرشٸننٸڭ جاقىن تۋىستارى مەديتسينا ماماندارىنىڭ ٶز ٸسٸنە ادالدىعىن ەرەكشە اتاپ ٶتكەن. اۋرۋحانا قىزمەتكەرلەرٸنە, سونداي-اق, دەنساۋلىق ساقتاۋ سالاسىنىڭ باسشىلارىنا ريزاشىلىعىن بٸلدٸرگەن. كٸشكەنتاي بالانىڭ ٶمٸرٸن ساقتاپ قالعان بٸلٸكتٸ مامان قازٸر ورتامىزدا وتىر. كەسٸبي شەبەرلٸكتٸڭ وزىق ٷلگٸسٸن كٶرسەتٸپ جٷرگەن ادامداردىڭ قاجىرلى ەڭبەگٸ لايىقتى باعالانۋعا تيٸس. مەملەكەت وسىنداي وتانشىل, ادال ازاماتتارعا ەردايىم قولداۋ كٶرسەتەدٸ", - دەدٸ پرەزيدەنت.
