AQSh-ta terrorizmge qatysy bar degen kúdikpen ustalǵan Qazaqstan azamaty Elaman Baltagerei kepilmen bosatyldy, dep habarlaidy dalanews.kz.
Bul týraly Senat kýlýarynda Syrtqy ister ministri Ermek Kósherbaev málimdedi.
«Zańnama aiasynda tiisti kómekti kórsetemiz. Árine, tergeý áreketterine aralasa almaimyz. Mundai aiyptaýlar bar ekenin bilemiz. Qazir olar kepilmen bosatyldy. Bul belgili bir deńgeide úmit uialatady», – dedi Kósherbaev.
Ministrdiń aitýynsha, osyǵan uqsas jaǵdai shamamen 15 jyl buryn da bolǵan. Sol kezde qazaqstandyqtar elge oralǵan.
«Qalai bolǵanda da advokat jaldaýǵa quqyq bar, týystary bailanysta. Bul qatelik bolyp, azamattarymyz elge oralady dep úmittenemiz», – dep qosty SIM basshysy.
Eske salaiyq, 17 maýsymda AQSh-tyń Immigratsiia jáne kedendik baqylaý qyzmeti (ICE) Qazaqstan azamaty Elaman Baltagereidi terrorizmge qatysy bar nemese terrorizmge kúdikti tulǵa retinde ustap, oǵan qatysty elden shyǵarý týraly túpkilikti sheshim qabyldanǵanyn habarlaǵan bolatyn.
