اقش-تا تەرروريزمگە قاتىسى بار دەگەن كٷدٸكپەن ۇستالعان قازاقستان ازاماتى ەلامان بالتاگەرەي كەپٸلمەن بوساتىلدى, دەپ حابارلايدى dalanews.kz.
بۇل تۋرالى سەنات كۋلۋارىندا سىرتقى ٸستەر مينيسترٸ ەرمەك كٶشەرباەۆ مەلٸمدەدٸ.
«زاڭناما اياسىندا تيٸستٸ كٶمەكتٸ كٶرسەتەمٸز. ەرينە, تەرگەۋ ەرەكەتتەرٸنە ارالاسا المايمىز. مۇنداي ايىپتاۋلار بار ەكەنٸن بٸلەمٸز. قازٸر ولار كەپٸلمەن بوساتىلدى. بۇل بەلگٸلٸ بٸر دەڭگەيدە ٷمٸت ۇيالاتادى», – دەدٸ كٶشەرباەۆ.
مينيستردٸڭ ايتۋىنشا, وسىعان ۇقساس جاعداي شامامەن 15 جىل بۇرىن دا بولعان. سول كەزدە قازاقستاندىقتار ەلگە ورالعان.
«قالاي بولعاندا دا ادۆوكات جالداۋعا قۇقىق بار, تۋىستارى بايلانىستا. بۇل قاتەلٸك بولىپ, ازاماتتارىمىز ەلگە ورالادى دەپ ٷمٸتتەنەمٸز», – دەپ قوستى سٸم باسشىسى.
ەسكە سالايىق, 17 ماۋسىمدا اقش-تىڭ يمميگراتسييا جەنە كەدەندٸك باقىلاۋ قىزمەتٸ (ICE) قازاقستان ازاماتى ەلامان بالتاگەرەيدٸ تەرروريزمگە قاتىسى بار نەمەسە تەرروريزمگە كٷدٸكتٸ تۇلعا رەتٸندە ۇستاپ, وعان قاتىستى ەلدەن شىعارۋ تۋرالى تٷپكٸلٸكتٸ شەشٸم قابىلدانعانىن حابارلاعان بولاتىن.
