Astanada bes balany bir top jasóspirimniń aiaýsyz soqqyǵa jyqqany týraly aqparat tarady, dep habarlaidy dalanews.kz.
Oqiǵalar 10 jáne 11 maýsym kúnderi elordanyń bir aýdanynda bolǵan. Zardap shekken balalardyń ata-analarynyń aitýynsha, jasóspirimder toby balalarǵa kezek-kezek shabýyl jasap, olardy uryp-soqqan. Keibir shabýyl kezinde kastet qoldanylǵan bolýy múmkin.
Shabýyldardyń bir sáti beinebaqylaý kamerasyna túsip qalǵan. Balalardyń alǵan dene jaraqattary dárigerler tarapynan tirkelgennen keiin ata-analary quqyq qorǵaý organdaryna aryz jazǵan.
Qylmystyq is qozǵaldy
Astana qalalyq politsiia departamentiniń málimetinshe, oqiǵaǵa qatysqan barlyq jasóspirim anyqtalyp, politsiia basqarmasyna jetkizilgen. Tergeý barysynda olardyń bir-birin burynnan tanityny belgili bolǵan. Atalǵan derek boiynsha densaýlyqqa qasaqana jeńil ziian keltirý faktisimen qylmystyq is qozǵaldy.
Qazirgi ýaqytta oqiǵanyń barlyq mán-jaiy anyqtalyp jatyr.
