Belgili jýrnalist Gúlbaný Ábenova Perizat Qairatqa qatysty tyń derekter men kúmándi tustardy jariialady, - dep habarlaidy Dalanews.kz
Jýrnalistiń aitýynsha, ol 2023 jyly 11 shildede, iaǵni resmi tergeý bastalmai turyp, Perizat Qairattyń ómirindegi qarjylyq áreketterdiń kúmán týdyratyn tustaryn atap kórsetken eken.
"Bir aptanyń ishinde anasy qyzyna elitalyq páter, al qyzy anasyna qymbat kólik syilaǵan. Bul áreketteri meniń kúdigimdi týdyrǵan edi. Sebebi olarda resmi túrde naqty biznes joq. Perizattyń ózi "arab elderine et eksporttaimyz" degen edi. Men Qazaqstannan shetelge et eksporttaýdyń talaptaryn arnaiy zerttedim. Ol - óte kúrdeli, qiyn protsedýra. Tipti úlken et kombinattarynyń ózi mundai talaptardy oryndai almaidy. Osydan keiin onyń aitqanynyń bári ótirik ekenine kózim jetti", – deidi jýrnalist.
Gúlbaný Ábenova Perizat Qairattyń bilimine qatysty da kúmán keltirgen.
"Ol Ulybritaniianyń belgili bir ýniversitetin bitirgenin aitqan edi. Men sol ýniversitettiń túlegimen sóilesip kórgen soń, ondaǵy oqý óte qiyn ekenin bildim. Sodan keiin Perizat siiaqty intellektýaldyq deńgeii tómen adamnyń mundai bilim alýy múmkin emes dep oiladym. Ulybritaniiadaǵy áriptesimniń kómegimen sol ýniversitetke arnaiy suraý saldym. Nátijesinde Perizat Qairat ol oqý ornynyń stýdenti de, túlegi de emes bolyp shyqty. Demek, Ulybritaniianyń diplomy týraly sózi – ótirik", – deidi ol.
Jýrnalistiń aitýynsha, qoǵamda onyń bul kúmánine eshkim qulaq aspaǵan. Kerisinshe, ózin kinálap, áleýmettik jelilerde qýdalap, "qyzǵanshaq" dep aiyptaǵandar kóbeigen.
"Maǵan qarsy shabýyl kóbeigen soń, bul máseleni sońyna deiin jetkizbedim. Biraq sol kezde Aqparat ministrinen "Perizatty qandai negizde keńesshi etip aldyńyzdar?" dep suradym. Onyń eshqashan BAQ salasynda, PR-da jumys istemegenin aityp, "Meni nege keńesshi etpeisizder? Ózimniń jaqsy bilimim, BAQ pen ulttyq kompaniianyń PR qyzmetindegi úlken tájiribem bar" degen edim. Ministrlikten "Perizat Qairat bizde keńesshi emes" degen jaýap keldi, sóitip olar ony tez arada qyzmetten bosatty", – deidi jýrnalist.
Gúlbaný Ábenova tergeý kezinde bul derek rastalǵanyn atap ótti.
"Tergeýde Perizat Qairatty 2023 jyldyń 17 mamyryndaǵy №59-buiryǵymen aqparat ministriniń keńesshisi etip taǵaiyndaǵany belgili boldy. Keiin bul buiryqtyń kúshi joiylǵan. Sonda eks-ministr 9 synyptyq bilimi bar qyzdy keńesshi qyzmetine taǵaiyndaǵan. Bul – naqty fakt. Al jaqsy bilimi, birneshe diplomy, mol tájiribesi bar adamdar qarapaiym qyzmetke de tura almai júr. 9 synyptyq bilimmen mańyzdy memlekettik laýazymǵa taǵaiyndalý úshin bireýdiń áieli basqa bireýdiń anasymen dos bolýy jetkilikti me?" – dep túiindedi jýrnalist.
