Forbes tizimindegi milliarderdiń jieni Orifjan Shadiev sanktsiiadan qutylýǵa tyrysýda. Búginde is Joǵarǵy sotqa jetti. Oqiǵa 2021 jyly bastalǵan. Sol kezde Qazaqstan Ulttyq banki taratylǵan Capital Bank Kazakhstan jáne AsiaCredit Bank bankteriniń burynǵy iesi Orifdjan Shadievke qarsy talap aryzdyń bir bóligin jeńip shyqqan edi, dep habarlaidy Dalanews.kz.
Shadievten 14,5 milliard teńgeden astam negizgi qaryz jáne 1,1 milliard teńge aiyppul óndirildi. Buǵan qosymsha ol memleket paidasyna jarty milliard teńgege jýyq memlekettik baj tóleýge mindetteldi. Jalpy alǵanda, Ulttyq bankke 15,7 milliard teńge qaitaryldy. Negizgi qaryz tolyq óteldi.
Alaida mindettemeler oryndalǵanyna qaramastan, memleket Shadievke atqarýshylyq sanktsiia saldy – bul májbúrlep oryndatý tártibimen óndirilgen somanyń 10%-yn quraidy (shamamen 1,57 mlrd teńge). Advokattar bul somany nólge deiin azaitýdy surady, sebebi «bankirdiń qarjysy joq», al «onyń múlki boryshty jabýǵa jetpeidi» degen ýáj keltirildi.
"Talapker Astana qalasy Ádilet departamentine qarsy sotqa talap aryz túsirip, atqarýshylyq sanktsiiany 1 574 087 522 teńgeden 0 teńgege deiin azaitýdy surady, sebebi onyń qarjylyq múmkindigi joq", – delingen sot materialynda.
Sot taraptardyń ýájin tyńdap, talapty jartylai qanaǵattandyrdy – aiyppul somasy 1,57 mlrd teńgeden 1,39 mlrd teńgege deiin azaityldy. Alaida bul sheshim Shadievti qanaǵattandyrmady. Apelliatsiia barysynda da sot sheshimi ózgerissiz qaldy. Endi eks-bankir Joǵarǵy sotqa júginbek.
Aita keteiik, Orifdjan Shadiev – Forbes tizimindegi milliarder, halyqaralyq ENRC korporatsiiasynyń teńqurýshysy Patoh Shodievtiń jieni.
Eske salaiyq, buǵan deiin Orifjan Shadievten Ulttyq bank paidasyna 960 gektar jer qaitarylǵan bolatyn.
Almaty prokýrorlary 960 gektar jerdi Ulttyq banktiń paidasyna qaitaryp berdi. Almaty prokýratýrasy sot aktileri men sot úkimderin taldaýdyń negizinde "Capital Bank Kazakhstan» AQ men "AsiaCreditBank" AQ taratylǵan bankterdiń jalǵyz aktsioneri sanalatyn boryshkerdiń aktivteri shyǵarylǵanyn anyqtady.
