Forbes تٸزٸمٸندەگٸ ميللياردەردٸڭ جيەنٸ وريفجان شاديەۆ سانكتسييادان قۇتىلۋعا تىرىسۋدا. بٷگٸندە ٸس جوعارعى سوتقا جەتتٸ. وقيعا 2021 جىلى باستالعان. سول كەزدە قازاقستان ۇلتتىق بانكٸ تاراتىلعان Capital Bank Kazakhstan جەنە AsiaCredit Bank بانكتەرٸنٸڭ بۇرىنعى يەسٸ وريفدجان شاديەۆكە قارسى تالاپ ارىزدىڭ بٸر بٶلٸگٸن جەڭٸپ شىققان ەدٸ, دەپ حابارلايدى Dalanews.kz.
شاديەۆتەن 14,5 ميلليارد تەڭگەدەن استام نەگٸزگٸ قارىز جەنە 1,1 ميلليارد تەڭگە ايىپپۇل ٶندٸرٸلدٸ. بۇعان قوسىمشا ول مەملەكەت پايداسىنا جارتى ميلليارد تەڭگەگە جۋىق مەملەكەتتٸك باج تٶلەۋگە مٸندەتتەلدٸ. جالپى العاندا, ۇلتتىق بانككە 15,7 ميلليارد تەڭگە قايتارىلدى. نەگٸزگٸ قارىز تولىق ٶتەلدٸ.
الايدا مٸندەتتەمەلەر ورىندالعانىنا قاراماستان, مەملەكەت شاديەۆكە اتقارۋشىلىق سانكتسييا سالدى – بۇل مەجبٷرلەپ ورىنداتۋ تەرتٸبٸمەن ٶندٸرٸلگەن سومانىڭ 10%-ىن قۇرايدى (شامامەن 1,57 ملرد تەڭگە). ادۆوكاتتار بۇل سومانى نٶلگە دەيٸن ازايتۋدى سۇرادى, سەبەبٸ «بانكيردٸڭ قارجىسى جوق», ال «ونىڭ مٷلكٸ بورىشتى جابۋعا جەتپەيدٸ» دەگەن ۋەج كەلتٸرٸلدٸ.
"تالاپكەر استانا قالاسى ەدٸلەت دەپارتامەنتٸنە قارسى سوتقا تالاپ ارىز تٷسٸرٸپ, اتقارۋشىلىق سانكتسييانى 1 574 087 522 تەڭگەدەن 0 تەڭگەگە دەيٸن ازايتۋدى سۇرادى, سەبەبٸ ونىڭ قارجىلىق مٷمكٸندٸگٸ جوق", – دەلٸنگەن سوت ماتەريالىندا.
سوت تاراپتاردىڭ ۋەجٸن تىڭداپ, تالاپتى جارتىلاي قاناعاتتاندىردى – ايىپپۇل سوماسى 1,57 ملرد تەڭگەدەن 1,39 ملرد تەڭگەگە دەيٸن ازايتىلدى. الايدا بۇل شەشٸم شاديەۆتٸ قاناعاتتاندىرمادى. اپەللياتسييا بارىسىندا دا سوت شەشٸمٸ ٶزگەرٸسسٸز قالدى. ەندٸ ەكس-بانكير جوعارعى سوتقا جٷگٸنبەك.
ايتا كەتەيٸك, وريفدجان شاديەۆ – Forbes تٸزٸمٸندەگٸ ميللياردەر, حالىقارالىق ENRC كورپوراتسيياسىنىڭ تەڭقۇرۋشىسى پاتوح شوديەۆتٸڭ جيەنٸ.
ەسكە سالايىق, بۇعان دەيٸن وريفجان شاديەۆتەن ۇلتتىق بانك پايداسىنا 960 گەكتار جەر قايتارىلعان بولاتىن.
الماتى پروكۋرورلارى 960 گەكتار جەردٸ ۇلتتىق بانكتٸڭ پايداسىنا قايتارىپ بەردٸ. الماتى پروكۋراتۋراسى سوت اكتٸلەرٸ مەن سوت ٷكٸمدەرٸن تالداۋدىڭ نەگٸزٸندە "Capital Bank Kazakhstan» اق مەن "AsiaCreditBank" اق تاراتىلعان بانكتەردٸڭ جالعىز اكتسيونەرٸ سانالاتىن بورىشكەردٸڭ اكتيۆتەرٸ شىعارىلعانىن انىقتادى.
