Almaty oblysynyń politsiia departamenti balany ittiń qabýyna bailanysty túsinikteme berdi, dep habarlaidy Dalanews.kz.
Kámeletke tolmaǵan balanyń densaýlyǵyna abaisyzda aýyr ziian keltirý faktisi boiynsha politsiia qylmystyq is tirkep, sotqa deiingi tergeý amaldaryn júrgizýde.
"Qazirgi tańda oqiǵanyń kýágerlerinen jaýap alynyp, barlyq mán-jaiyn jan-jaqty, tolyq jáne obektivti anyqtaýǵa baǵyttalǵan birqatar tergeý áreketteri júrgizilýde. Tiisti saraptamalar taǵaiyndaldy, onyń qorytyndysy boiynsha sońǵy protsessýaldyq sheshim qabyldanady", - deidi politseiler redaktsiia tilshisine bergen jaýabynda.
Bul rette reabilitatsiia ortalyǵynyń laýazymdy tulǵalarynyń áreketine quqyqtyq baǵa beriledi. Barlyq kináli tulǵalar qoldanystaǵy zańnama aiasynda jaýapkershilikke tartylady.
"Politsiia departamenti turǵyndarǵa jan-janýarlar bolýy múmkin qorshalǵan aýmaqtardyń janynda saq bolýdy eskertedi! Ata-analar men zańdy ókilderine balalarynyń bos ýaqytyn qadaǵalap, olarǵa qatań túrde jeke qaýipsizdik sharalaryn túsindirýdi ótinedi", - deidi politseiler.
Eske salaiyq, Almaty oblysynyń Qarasai aýdanyna qarasty Umtyl aýyldyq okrýginde 10 jasar balany eki qabaǵan it talap, aýyr jaraqattady. Oqiǵa 30 mamyrda bolǵan. Oqiǵanyń basty kýágeri ári balany qutqaryp qalǵan aýyl turǵyny, zeinetker Serikbek Saqaibekovtyń aitýynsha, sol kúni kóligimen jolaýshy áieldi úiine jetkizip bara jatqanda, bir top balanyń shýlap, jan-jaqqa qasha jónelgenin kórgen.
Qazir 10 jasar bala Qarasai aýdandyq ortalyq aýrýhanasynda aýyr jaraqatpen em alyp jatyr. Balanyń anasy Ekaterina Býrmistrovanyń aitýynsha, ulynyń jaǵdaiy óte qiyn.
