Nazarbaev ýnıversıtetinde ótken bıznes-sharada eks-prezıdenttiń kelini, koýchıng salasynda tanylǵan Aıda Álıeva spıker retinde sóz sóıledi, - dep habarlaıdy Dalanews.kz
Ýnıversıtettiń Bıznes joǵary mektebi uıymdastyrǵan bul shara "Ózgeris kezeńderi men transformasıa" degen taqyrypqa arnalǵan. Alaıda Nazarbaev ýnıversıtetiniń resmı ókilderi jıynnyń oqý ornynyń qabyrǵasynda emes, syrt alańda ótkenin naqtylap otyr.
Sharada sóz sóılegenderdiń qatarynda Nazarbaev ýnıversıtetiniń 2016 jylǵy Executive MBA baǵdarlamasynyń túlegi Aıda Álıeva bar. Ol kásipker jáne jeke damý boıynsha koých-sessıalardyń avtory retinde tanylǵan. Álıeva áleýmettik jelidegi paraqshasynda jıi-jıi "ishki qýat", "ózin-ózi baǵalaý" sekildi taqyryptardy kóterip, motıvasıalyq beınerolıkter jarıalap turady.
Álıevanyń koýchıng baǵytyndaǵy negizgi ustanymy – "áıeldiń ishki jaı-kúıi onyń taǵdyryna jáne aınalasyndaǵy er adamdardyń qarym-qatynasyna tikeleı áser etedi". Ol ózin-ózi baǵalaý, ishki senimdilik jáne "taǵdyrdan syı qabyldaý" tájirıbelerin nasıhattaıdy.
Instagram paraqshasyndaǵy resmı aqparatta spıkerler "ómirdegi sheshýshi kezeńder men qıyndyqtardy eńserý tájirıbesin bólisti" delingen. Degenmen Álıevanyń naqty qandaı ómirlik tájirıbesin bóliskeni ashyp aıtylmaǵan.
Eske salaıyq, Nazarbaev ýnıversıtetiniń Executive MBA baǵdarlamasy Qazaqstandaǵy top-menedjerler men kásipkerlerge arnalǵan jetekshi bıznes-baǵdarlamalardyń biri sanalady. Munda strategıalyq basqarý, kóshbasshylyq jáne daǵdarys menejmenti baǵyttary oqytylady.
Aıta keteıik, Aıda Álıevanyń qazir aınalysatyn taqyryptary ádette klasıkalyq bıznes-mektepterdiń túlekteri tańdaǵan baǵyttan erekshelenedi. Ol óz aýdıtorıasyna qıyndyqtardy "ósý múmkindigi" retinde qabyldaýǵa shaqyryp, "energıalarmen jumys isteý" uǵymyn keńinen túsindiredi.
Álıeva – Qazaqstannyń burynǵy prezıdenti Nursultan Nazarbaevtyń nemeresi, belgili kásipker Nuralı Álıevtiń jubaıy. Onyń ákesi – burynǵy Ortalyq saılaý komısıasynyń tóraǵasy Berik Imashev.
Aıda Álıeva Instagram-daǵy paraqshasynda Zhanartu qaıyrymdylyq qorynyń negizin qalaýshylardyń biri retinde kórsetilgen. Bul qordyń quryltaıshysy – Forbes tizimindegi Qazaqstandaǵy eń dáýletti 50 bıznesmenniń biri Nuralı Álıev.
Nazarbaev ýnıversıteti 2010 jyly eks-prezıdent Nazarbaevtyń bastamasymen ashylǵan jáne búginde eldegi jetekshi oqý oryndarynyń biri. Ýnıversıtet quramynda segiz mektep bolsa, sonyń biri – Joǵary bıznes mektebi.
İs-sharada Aıda Álıeva ustamdy, biraq talǵammen úılestirilgen kıimimen kózge tústi. Jasandy ıntellektiń baǵalaýynsha, onyń obrazyndaǵy elementter qymbat sán úılerinnen jáne jalpy obrazynyń baǵasy shamamen 2,2 mıllıon teńgedeı bolady.
