نازاربايەۆ ۋنيۆەرسيتەتىندە وتكەن بيزنەس-شارادا ەكس-پرەزيدەنتتىڭ كەلىنى، كوۋچينگ سالاسىندا تانىلعان ايدا الييەۆا سپيكەر رەتىندە ءسوز سويلەدى، - دەپ حابارلايدى Dalanews.kz
ۋنيۆەرسيتەتتىڭ بيزنەس جوعارى مەكتەبى ۇيىمداستىرعان بۇل شارا "وزگەرىس كەزەڭدەرى مەن ترانسفورماسيا" دەگەن تاقىرىپقا ارنالعان. الايدا نازاربايەۆ ۋنيۆەرسيتەتىنىڭ رەسمي وكىلدەرى جيىننىڭ وقۋ ورنىنىڭ قابىرعاسىندا ەمەس، سىرت الاڭدا وتكەنىن ناقتىلاپ وتىر.
شارادا ءسوز سويلەگەندەردىڭ قاتارىندا نازاربايەۆ ۋنيۆەرسيتەتىنىڭ 2016 جىلعى Executive MBA باعدارلاماسىنىڭ تۇلەگى ايدا الييەۆا بار. ول كاسىپكەر جانە جەكە دامۋ بويىنشا كوۋچ-سەسسيالاردىڭ اۆتورى رەتىندە تانىلعان. الييەۆا الەۋمەتتىك جەلىدەگى پاراقشاسىندا ءجيى-جيى "ىشكى قۋات"، "ءوزىن-وزى باعالاۋ" سەكىلدى تاقىرىپتاردى كوتەرىپ، موتيۆاسيالىق بەينەروليكتەر جاريالاپ تۇرادى.
الييەۆانىڭ كوۋچينگ باعىتىنداعى نەگىزگى ۇستانىمى – "ايەلدىڭ ىشكى جاي-كۇيى ونىڭ تاعدىرىنا جانە اينالاسىنداعى ەر ادامداردىڭ قارىم-قاتىناسىنا تىكەلەي اسەر ەتەدى". ول ءوزىن-وزى باعالاۋ، ىشكى سەنىمدىلىك جانە "تاعدىردان سىي قابىلداۋ" تاجىريبەلەرىن ناسيحاتتايدى.
Instagram پاراقشاسىنداعى رەسمي اقپاراتتا سپيكەرلەر "ومىردەگى شەشۋشى كەزەڭدەر مەن قيىندىقتاردى ەڭسەرۋ تاجىريبەسىن ءبولىستى" دەلىنگەن. دەگەنمەن الييەۆانىڭ ناقتى قانداي ومىرلىك تاجىريبەسىن بولىسكەنى اشىپ ايتىلماعان.
ەسكە سالايىق، نازاربايەۆ ۋنيۆەرسيتەتىنىڭ Executive MBA باعدارلاماسى قازاقستانداعى توپ-مەنەدجەرلەر مەن كاسىپكەرلەرگە ارنالعان جەتەكشى بيزنەس-باعدارلامالاردىڭ ءبىرى سانالادى. مۇندا ستراتەگيالىق باسقارۋ، كوشباسشىلىق جانە داعدارىس مەنەدجمەنتى باعىتتارى وقىتىلادى.
ايتا كەتەيىك، ايدا الييەۆانىڭ ءقازىر اينالىساتىن تاقىرىپتارى ادەتتە كلاسسيكالىق بيزنەس-مەكتەپتەردىڭ تۇلەكتەرى تاڭداعان باعىتتان ەرەكشەلەنەدى. ول ءوز اۋديتورياسىنا قيىندىقتاردى "ءوسۋ مۇمكىندىگى" رەتىندە قابىلداۋعا شاقىرىپ، "ەنەرگيالارمەن جۇمىس ىستەۋ" ۇعىمىن كەڭىنەن تۇسىندىرەدى.
الييەۆا – قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ نەمەرەسى، بەلگىلى كاسىپكەر نۇرالي الييەۆتىڭ جۇبايى. ونىڭ اكەسى – بۇرىنعى ورتالىق سايلاۋ كوميسسياسىنىڭ ءتوراعاسى بەرىك يماشيەۆ.
ايدا الييەۆا Instagram-داعى پاراقشاسىندا Zhanartu قايىرىمدىلىق قورىنىڭ نەگىزىن قالاۋشىلاردىڭ ءبىرى رەتىندە كورسەتىلگەن. بۇل قوردىڭ قۇرىلتايشىسى – Forbes تىزىمىندەگى قازاقستانداعى ەڭ داۋلەتتى 50 بيزنەسمەننىڭ ءبىرى نۇرالي الييەۆ.
نازاربايەۆ ۋنيۆەرسيتەتى 2010 جىلى ەكس-پرەزيدەنت نازاربايەۆتىڭ باستاماسىمەن اشىلعان جانە بۇگىندە ەلدەگى جەتەكشى وقۋ ورىندارىنىڭ ءبىرى. ۋنيۆەرسيتەت قۇرامىندا سەگىز مەكتەپ بولسا، سونىڭ ءبىرى – جوعارى بيزنەس مەكتەبى.
ءىس-شارادا ايدا الييەۆا ۇستامدى، ءبىراق تالعاممەن ۇيلەستىرىلگەن كيىمىمەن كوزگە ءتۇستى. جاساندى ينتەللەكتىڭ باعالاۋىنشا، ونىڭ وبرازىنداعى ەلەمەنتتەر قىمبات ءسان ۇيلەرىننەن جانە جالپى وبرازىنىڭ باعاسى شامامەن 2،2 ميلليون تەڭگەدەي بولادى.
