Burynǵy ákim Danıal Ahmetovtyń kúıeý balasy ýaqytsha QTJ-ny basqarady, dep habarlaıdy Dalanews.kz.
"Qazaqstan temir joly" ulttyq kompanıasynyń basshylyǵy ýaqytsha ózgeriske ushyrady. Kólik mınıstri qyzmetine Nurlan Saýranbaevtyń taǵaıyndalýyna baılanysty QTJ tóraǵasynyń mindetin ýaqytsha Erlan Qoıshybaev atqarady. Bul týraly kompanıanyń baspasóz qyzmeti ishki normatıvtik qujattarǵa silteme jasap habarlady.
QTJ-nyń resmı saıtyndaǵy derekke súıensek, Erlan Qoıshybaev 2023 jyldan beri basqarma tóraǵasynyń logıstıka jónindegi orynbasary qyzmetin atqaryp keledi. 39 jastaǵy Qoıshybaev - Shyǵys Qazaqstan oblysynyń burynǵy ákimi Danıal Ahmetovtyń kúıeý balasy, ıaǵnı onyń qyzy Adelıa Ahmetovanyń jubaıy.
