بۇرىنعى ەكٸم دانيال احمەتوۆتىڭ كٷيەۋ بالاسى ۋاقىتشا قتج-نى باسقارادى, دەپ حابارلايدى Dalanews.kz.
"قازاقستان تەمٸر جولى" ۇلتتىق كومپانيياسىنىڭ باسشىلىعى ۋاقىتشا ٶزگەرٸسكە ۇشىرادى. كٶلٸك مينيسترٸ قىزمەتٸنە نۇرلان ساۋرانباەۆتىڭ تاعايىندالۋىنا بايلانىستى قتج تٶراعاسىنىڭ مٸندەتٸن ۋاقىتشا ەرلان قويشىباەۆ اتقارادى. بۇل تۋرالى كومپانييانىڭ باسپاسٶز قىزمەتٸ ٸشكٸ نورماتيۆتٸك قۇجاتتارعا سٸلتەمە جاساپ حابارلادى.
قتج-نىڭ رەسمي سايتىنداعى دەرەككە سٷيەنسەك, ەرلان قويشىباەۆ 2023 جىلدان بەرٸ باسقارما تٶراعاسىنىڭ لوگيستيكا جٶنٸندەگٸ ورىنباسارى قىزمەتٸن اتقارىپ كەلەدٸ. 39 جاستاعى قويشىباەۆ - شىعىس قازاقستان وبلىسىنىڭ بۇرىنعى ەكٸمٸ دانيال احمەتوۆتىڭ كٷيەۋ بالاسى, ياعني ونىڭ قىزى ادەلييا احمەتوۆانىڭ جۇبايى.
