Қазақстан үкіметі өнеркәсіптік мақсатта қарасораны (каннабис) қайта өңдеудің ресми ережелерін бекітіп, бұл өсімдікті экономиканың түрлі салаларында заңды түрде пайдалануға жол ашты, деп хабарлайды Dalanews.kz.  LS-ке сілтеме жасап.

Жаңа қаулыда қандай кәсіпорындар қарасораны қайта өңдей алатыны және оны қандай мақсаттарда пайдалануға болатыны реттеледі. Есірткі құралдары мен психотроптық заттарды өндірмей, тек өнеркәсіптік қайта өңдеуге ерекше назар аударылған.

«Партия деп есірткіге байланысты емес ,қарасораның тек қана өнеркәсіптік мақсатта егілуіне рұқсат етілген бір сорттағы кез келген сандағы сабақтар», – деп құжатта көрсетілген.

Сонымен қатар, шикізат бір мерзімде жиналуы және бір құжат аясында қайта өңдеуге тапсырылуы тиіс.

Жаңа ережелерге сәйкес, қарасораны терең қайта өңдеуді келесі салалар жүзеге асыра алады:

              Тоқыма өнеркәсібі – арқандарды, тоқыма емес материалдарды, техникалық жіптерді және басқа да өнімдерді өндіру.

              Целлюлоза-қағаз өнеркәсібі – қағаз, картон, сүзгі материалдары және басқа да өнімдерді өндіру.

              Құрылыс өнеркәсібі – арболит, қарасора бетон (hempcrete), жылу оқшаулағыш плиталар және басқа да материалдарды жасау.

              Азық-түлік өнеркәсібі және мал азығы – май, ұн, ақуызды концентраттар, мал азығы және басқа да өнімдерді өндіру.

              Биокомпозиттер – автокөлік бөлшектерін, жиһаз, орау материалдары және басқа да өнімдерді өндіру.