Pavlodar eparhiiasyna qarasty Ertis aýdanynda ornalasqan Áýlie Aleksandr Nevskii hramynyń dini qyzmetkeri Andrei Andreev qasietti Pasha merekesine orai qazaq tilinde quttyqtaý joldady, dep habarlaidy Dalanews.kz.
“Barshańyzdy jarqyn da shýaqty Pasha merekesimen shyn júrekten quttyqtaimyn! Bul kún – adamzatqa úmit pen meiirimniń nuryn shashqan qasietti meiram”, – dedi dini qyzmetker.
Ol Pashanyń rýhani mánine toqtalyp, bul merekeniń birlik pen beibitshilikke úndeitinin atap ótti. Sonymen qatar ár otbasyǵa baq-bereke, elge tynyshtyq, halyqqa yntymaq tiledi.
“Jaratqannyń raqymy elimizge tynyshtyq pen kelisim syilap, halqymyzdy yntymaq pen birlikke jetelei bergei. Pasha qýanyshy ár otbasynyń dastarhanynan úzilmesin. Hristos tirildi! Shyn máninde tirildi!”, – dedi Andrei Andreev.
Qazaqtildi qaýym dini qyzmetkerdiń qazaqsha quttyqtaýyn jyly qabyldap, onyń bul bastamasy halyqtar dostyǵy men ózara syilastyqty nyǵaitýǵa qosylǵan igi úles ekenin atap ótti.
Búgin – pravoslav senimindegi azamattar úshin qasietti sanalatyn Pasha merekesi. Qazaqstanda 130-dan astam ult pen ulys ókilderi bir shańyraq astynda beibit ómir súrip keledi. El aýmaǵynda pravoslavielik senimdi ustanatyn 300-ge jýyq shirkeý men ǵibadat orny bar. Olardyń ishinde Almatydaǵy Voznesenskii kafedraldy sobory, Astanadaǵy Ýspenskii kafedraldy sobory jáne Pavlodardaǵy Blagoveshensk kafedraldy sobory erekshe tanymal.
Qazaqstandaǵy pravoslav qaýymynyń negizgi bóligi orys, ýkrain jáne belarýs diasporalarynyń ókilderi bolyp tabylady. Degenmen, keiingi jyldary Pasha merekesin atap ótýshilerdiń arasynda ózge ult ókilderi de kóbeigen. Bul elimizde qalyptasqan dinaralyq kelisimniń jarqyn kórinisi.
Pasha – birlik pen izgilikti nasihattaityn meiram. Osy kúni shirkeýlerde merekelik qulshylyqtar ótkizilip, halyq bir-birine «Hristos tirildi!» dep quttyqtaý aityp, «Shyn máninde tirildi!» dep jaýap beredi. Qazaqstanda Pasha meiramy qoǵamdyq kelisimdi nyǵaitýǵa yqpal etip, túrli mádenietter men dini senimderdiń ózara syilastyǵyn arttyrýǵa septigin tigizýde.
