2022 jyldyń 28 qarashasynan bastap, oqý orny Halyqaralyq ýniversitet mártebesine ie boldy.
Osy sátti uzaǵynan kútken árbir túlektiń de, perzentiniń qýanyshyna ortaqtasa kelgen ata-ananyń da, uly ómirge qanat qaqtyrýda jemisti bilim bergen oqý orny ustazdarynyń da júzderinen qýanysh, alyp-ushqan shat-shadman kóńil-kúidi baiqaimyz.
- Qurmetti túlekter, qymbatty ata-analar, qonaqtar, ustazdar, áriptester – dep bastady búgingi jiynda óz sózin Halyqaralyq injenerlik-tehnologiialyq ýniversitetiniń rektory Sársenbaeva Gúlnár Álibekqyzy.
- Barshańyzdy 2023 jylǵy túlekterine diplom tapsyrý saltanatyna qosh keldińizder dei otyryp, ataýly merekemen Quryltaishylar, Baiqaý keńesi jáne ýniversitet ujymy atynan shyn júrekten quttyqtaimyn!
Ýniversiteti ujymy jumysynyń kórsetkishi – túlekteri! Búgin qanattaryn keńge jaiyp, samǵap ushqaly otyrǵan árbir túlektiń eńbek jolyndaǵy jetistikteri, eline degen súiispenshiligi men adamgershiligi – ýniversitet úshin ǵana emes, Táýelsiz elimiz úshin maqtanysh, - degen rektor, bilim ordasynyń sońǵy jyldary jetken jetistikterine toqtala otyryp, biylǵy jyldyń diplom ieleri bolashaq jas mamandardyń bolashaǵyna aq jol tiledi.
Halyqaralyq injenerlik- tehnologiialyq ýniversiteti 2021 -jyldan bastap qatarynan eki ret , halyqaralyq standarttarǵa sai akkreditatsiiadan ozyq dárejede ótip, shetel ekspertterdiń joǵary kásibi baǵasyna ie boldy.
Sonymen qatar, sońǵy bes jylda Qazaqstan injenerlik-tehnologiialyq ýniversiteti halyqaralyq ǵylymi qoǵamdastyq úlgisine ene otyryp, Halyqaralyq injenerlik-tehnologiialyq ýniversiteti mártebesin ielendi.
Qazirgi ýaqytta Grant iegerleriniń sany 7 esege, aqyly bólim stýdenttar sany 5 esege artty. Halyqaralyq injenerlik-tehnologiialyq ýniversitetin tańdaǵan «Altyn belgi» iegerleriniń sany búginde 50-ge jetse, Halyqaralyq, respýblikalyq baiqaýlardyń jeńimpazdary 4 esege ósti. Oblys ákimderi taǵaiyndaǵan granttarǵa ie bolǵandar sany 100-den asty. Halyqaralyq injenerlik-tehnologiialyq ýniversitet - QR 14 óńirin quraityn jastarmen tolyǵady. Bilim oshaǵyndaǵy er balalar úles salmaǵy – 60 paiyzdan joǵary.
Bilim ordasynda akkredittelgen bakalavriattyń 17 bilim berý baǵdarlamasy jumys jasaidy. Tamaq ónerkásibi tehnologiiasy, kompiýterlik, avtomattandyrylǵan jáne telekommýnikatsiialyq júieler injeneriiasy, biohimiialyq injeneriia, ekonomika jáne biznes salasyndaǵy magistratýranyń 5 bilim berý baǵdarlamasy boiynsha mamandar daiarlaýda.
2023-jyldyń maýsymynda bilim oshaǵy táýelsiz halyqaralyq akkreditteýden sátti ótip, baǵdarlamalyq injeneriia, biotehnologiia jáne tamaq ónerkásibi tehnologiiasy boiynsha doktorantýranyń 3 bilim berý baǵdarlamasy óz jumysyn bastady.
Doktorantýra baǵdarlamalaryn iske asyrý maqsatynda jetekshi ǵylymi-zertteý uiymdary men "Mikrobiologiia jáne virýsologiia ǵylymi-óndiristik ortalyǵy", "Qazaq tamaq jáne qaita óńdeý ónerkásibi ǵylymi-zertteý institýty"arasynda konsortsiýmdyq ózara kelisimder jasaldy.
Halyqaralyq injenerlik-tehnologiialyq ýniversiteti Ǵylym jáne joǵary bilim ministrligi men QR Aýyl sharýashylyǵy ministrliginiń granttyq qarjylandyrýy boiynsha 5 ǵylymi joba tabysty iske asyrylýy nátijesinde, jas ǵalymdar "Jas ǵalym" granttarynyń iegerleri atandy.
Halyqaralyq injenerlik-tehnologiialyq ýniversiteti ǵalymdarynyń ǵylymi zertteýleri- ǵylymi zertteýlerdi kommertsiialandyrý konkýrsynda alǵashqy kezeńderden sátti ótti.
Ýniversitet oqý jáne ǵylymi-zertteý qyzmetine sheteldik oqytýshy-sarapshylardy tartýmen qatar, professor-oqytýshylar quramy belgili Stamýbl tehnikalyq ýniversitetinde halyqaralyq taǵylymdamadan ótip otyrady.
Sol elden Halyqaralyq injenerlik-tehnologiialyq ýniversitet shákirtterine dáris oqýǵa professorlar shaqyrylyp, bilim berýdiń ozyq úlgileri sarapqa salynyp, tájirbie almasý negizinde júrgiziledi. Halyqaralyq injenerlik-tehnologiialyq ýniversitetinde Slovak ýniversitetiniń PhD doktoranttary taǵylymdamadan ótip, kásibi biliktiligi men bilimderin shyńdap otyrady.
Halyqaralyq injenerlik-tehnologiialyq ýniversitet akademiialyq qalashyqta ornalasqan barlyq ǵylymi-zertteý institýttarmen kelisimshart jasap, tyǵyz qarym-qatynasta jumys isteitin birden-bir oqý orny.Bul óz kezeginde izdenimpaz stýdenttiń bilimin shyńdaýyna, óndiristik tájirbieden ótip, ǵylymǵa bet burýyna septigin tigizeri anyq.
2023 jylǵy 27 sáýirde Halyqaralyq injenerlik-tehnologiialyq ýniversitetinde akademik Ó.A. Joldasbekov atyndaǵy Mehanika jáne mashinataný institýty – jetekshi ǵylymi uiymymen «Robottehnika jáne baǵdarlamalyq injeneriia» birlesken ǵylymi-zertteý jáne bilim berý ortalyǵy ashyldy.
Búgingi tańda kóshbasshy sanalatyn bilikti mamandar daiarlaityn oqý ordasy- Halyqaralyq standarttarǵa sáikes keletin, ozyq damyǵan ádistemelerdi, tájiribeler men oqytý tehnologiialaryn belsendi engizetin zamanaýi ýniversitet bolyp tabylady.
Ýniversitet rektory, bilikti de, bilimdi basshy G.Álibekqyzy basqaratyn judyryqtai jumylǵan ulaǵatty ustazdar qaýymynyń ujymyna tolaǵai tabystar, bolashaq álemniń keńistigine qanat qaqqan jas túlekterge sát sapar, aq jol tileimiz.
Baspasóz qyzmeti
